सेतो खबर
पोखरा । कास्कीको पोखरामा स्कुल बस दुर्घटनामा मृत्यु भएका पाँच जनामध्ये चार जनाको सनाखत भएको छ।
दुर्घटनामा घाइते भएका १२ जनाको उपचार भइरहेको छ, जसमध्ये एक किशोरी सघन उपचार कक्ष (आईसीयू)मा छिन्।
सनाखत हुनेमा १५ वर्षीया ममता तिवारी, १३ वर्षीय असिम कँडेल, ६५ वर्षीय बाबुराम तिवारी र १५ वर्षीया सुवेच्छा तिवारी छन्। मृत्यु भएका अर्की करिब १५ वर्षीया किशोरीको पहिचान खुल्न बाँकी छ।
शान्ति मैदानस्थित कालिका बोर्डिङ स्कुलको बस शुक्रबार बिहान पोखरा महानगरपालिका–२८ माझथानाबाट फर्किने क्रममा ओख्लेभीर भन्ने स्थानमा दुर्घटनामा परेको थियो। दुर्घटनामा परेकाहरूलाई उद्धार गरी पश्चिमाञ्चल क्षेत्रीय अस्पताल पुर्याइएको थियो।
अस्पतालले जारी गरेको विज्ञप्तिअनुसार दुर्घटनामा परेका कुल १७ जनामध्ये पाँच जनालाई मृत अवस्थामा अस्पताल ल्याइएको थियो। बाँकी १२ जनाको उपचार भइरहेको छ। १६ वर्षीया अस्मी कँडेल आईसीयूमा उपचाररत छिन्।
उपचाररत घाइतेहरूमा १३ वर्षीया सोनिया तिवारी, १४ वर्षीया स्नेहा खत्री, १३ वर्षीय अंकित पराजुली, १५ वर्षीया स्मृति खत्री, १४ वर्षीया सुप्रिया आचार्य, १५ वर्षीया मेरिना तिवारी र १४ वर्षीया आकृति बुढाथोकी छन्।
त्यस्तै, ३१ वर्षीय अर्जुन शाही, १६ वर्षीय यमन मगर र ५७ वर्षीय तुलबहादुर गुरुङको पनि उपचार भइरहेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
