सेतो खबर
चितवन, असार १२ । राष्ट्रिय स्वतन्त्र पार्टी (रास्वपा)को प्रथम महाधिवेशनअन्तर्गत आज पदाधिकारी चयनका लागि निर्वाचन हुँदैछ। सभापति र एक पुरुष उपसभापति पद सर्वसम्मत भएपछि बाँकी पाँच पदका लागि मतदान हुन लागेको हो।
निर्वाचन आयोगले सार्वजनिक गरेको अन्तिम उम्मेदवार सूचीअनुसार महिला उपसभापति पदमा सोविता गौतम र तोषिमा कार्की बीच प्रत्यक्ष प्रतिस्पर्धा हुने भएको छ। दुवै नेतृको उम्मेदवारी परेपछि यो पद महाधिवेशनको मुख्य आकर्षण बनेको छ।
यस्तै, महामन्त्री पदका लागि आठ जनाबीच प्रतिस्पर्धा हुने भएको छ। उम्मेदवारहरूमा प्रमोद न्यौपाने, राजुनाथ पाण्डे, मनिष झा, रञ्जु दर्शना, गणेश कार्की, गणेश पराजुली, सागर ढकाल र विपिन कुमार आचार्य रहेका छन्। यसअघि महामन्त्रीका दाबेदार जगदीश खरेल आफ्नो उम्मेदवारी फिर्ता लिएका छन्।
सहमहामन्त्री (खुला) पदका लागि रमेश प्रसाई, यज्ञमणि न्यौपाने, सुलभ खरेल, असिम शाह, अशोककुमार चौधरी, मिलन लिम्बु, पुकार बम, विजय जैरु, हरि ढकाल, हिमेश पन्त र राजीव खत्री गरी ११ जनाको उम्मेदवारी परेको छ।
त्यस्तै, महिला सहमहामन्त्री पदमा जुली यादव, जमुना कुमारी शर्मा, कामिनी कुमारी चौधरी, निशा डाँगी र रिमा विश्वकर्मा चुनावी मैदानमा छन्।
यसअघि रवि लामिछाने पार्टी सभापतिमा तथा स्वर्णिम वाग्ले पुरुष खुलातर्फको उपसभापतिमा सर्वसम्मत निर्वाचित भइसकेका छन्। अब आजको निर्वाचनबाट महिला उपसभापति, महामन्त्री तथा सहमहामन्त्रीसहित बाँकी पाँच पदाधिकारीको टुंगो लाग्नेछ।
छ दिनदेखि चितवनमा जारी महाधिवेशनका अधिकांश प्रतिनिधि घर फर्किइसके पनि पदाधिकारी निर्वाचनका लागि आवश्यक प्रतिनिधिहरू मतदान प्रक्रियामा सहभागी हुनेछन्। निर्वाचनको परिणामसँगै रास्वपाले आफ्नो नयाँ केन्द्रीय नेतृत्वलाई पूर्णता दिनेछ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
