सेतो खबर
जनकपुर । जनकपुरधामका फलफूल तथा तरकारी व्यवसायीहरू विस्थापित हुने अवस्थामा पुगेका छन् । मासिक करोडौँ रुपैयाँ राजस्व तिर्दै आएका व्यवसायीहरूले मार्कामा परेका गुनासो समेत गरेका छन् ।
मंगलबार जनकपुरधामस्थित फलफूल मन्डी अगाडि पत्रकार सम्मेलन गर्दै फलफूल तथा तरकारी व्यवसायीहरूले अदालतसहित जनकपुरधाम उपमहानगरपालिका तथा सम्बन्धित निकायहरू समक्ष आफूहरूलाई विस्थापन हुनबाट रोक्न आग्रह गरेका छन् ।
हाल उनीहरूले सञ्चालन गर्दै आएको फलफूल मन्डी खाली गर्न अदालतले आदेश दिएका कारण एक्कासि अन्यत्र सर्न केही समय लाग्ने बताएका छन् ।
उनीहरूले ‘फलको राजा आँप’को मौसम भएकाले आफूहरूले मगाइसकेका आँपहरू अन्यत्र सर्ने क्रममा खराब हुनजाने र यसबाट व्यवसायी मात्र नभई नेपाल सरकारलाई पनि घाटा हुने जानकारी दिए ।
अदालतको आदेश आएको दिनदेखि आफूहरूलाई नगरपालिका, वडा कार्यालय र प्रहरी प्रशासनले मन्डी खाली गर्न चेतावनी दिँदै आएको गुनासो गरेका छन् ।
अदालतको फैसलाको सम्मान गर्दै आफूहरू मन्डी खाली गर्न तयार रहेको फलफूल तथा तरकारी व्यवसायी संघ जनकपुरधामका महासचिव भुवनेश्वर पूर्वेले बताए । व्यवसायीहरूले दुई महिना समय माग गरेको बताए ।
यता, जनकपुरधाम उद्योग वाणिज्य संघका अध्यक्ष सुरेन्द्र भण्डारीले फलफूल तथा तरकारी व्यवसायीहरूका निम्ति जनकपुरधामको ६ लेन सडक खण्ड नजिक जग्गा लिजमा लिने प्रक्रिया अगाडि बढाइसकेकाले दुई महिना भित्र जग्गाको सम्झौता भइसक्ने बताए ।
उनले सो अवधिभरका लागि व्यापारीहरूलाई अहिलेकै स्थानमा व्यवसाय गर्न दिन सम्पूर्ण सम्बन्धित निकायसँग अनुरोध गरेका छन् ।
यता, फलफूल मन्डी रहेको जग्गाका धनी नबल साहले १५ वर्षको सम्झौता भएकामा आफूहरूले सम्झौता बमोजिम रकम नपाएकाले अदालतमा निवेदन दिन बाध्य भएको सुनाए ।
उनले अदालतले आफूसँग न्याय गरेर जग्गा खाली गर्न निर्देशन समेत दिइसकेकाले एक दिन पनि नरोक्ने चेतावनी दिए ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
