सेतो खबर
काठमाडौँ । प्रधानमन्त्री सुशीला कार्की र नेकपा एमालेका अध्यक्ष केपी शर्मा ओलीबीच बिहीबार बिहान बालुवाटारस्थित सरकारी निवासमा भेटवार्ता भएको छ।
भेटवार्तामा आगामी निर्वाचन र समसामयिक राजनीतिक विषयमा छलफल भएको बताइए पनि सबै विवरण खुलाइएको छैन।
प्रधानमन्त्री कार्कीले हालै हिमाली जिल्लामा मौसमको अवस्था अनुसार दुई चरणमा चुनाव गर्न सकिने अभिव्यक्ति दिएका थिए। उनले भनेकी थिइन्:
“थोरै ठाउँ भएका भूभागमा सवारी साधनबाट मतदाता ओसारेर मतदान गराउन सकिन्छ। हुन नसक्ने अवस्थामा दोस्रो चरणको निर्वाचन गरिन्छ। तर निर्वाचन जसरी पनि हुन्छ।”
तर, एमाले उपाध्यक्ष रामबहादुर थापा बादलले यस अभिव्यक्तिप्रति आपत्ति जनाउँदै प्रायोजित ढंगले बनेको सरकारले मौसमको बहानामा निर्वाचन सार्न खोजेको आरोप लगाएका छन्।
साथै, एमाले सचिव महेश बस्नेतले पनि सर्वोच्च अदालतले निर्वाचनअघि संसद पुनर्स्थापना गर्ने/नगर्ने विषयमा निर्णय गरिनु पर्ने बताएका छन्।
यसअघि, पुस २४ गते प्रधानमन्त्री कार्कीसंगको निर्वाचन केन्द्रित छलफलमा, ओलीले निर्वाचनको वातावरण बनेमा एमाले चुनावबाट नभाग्ने बताएका थिए।
राजनीतिक विश्लेषकहरूले यस भेटवार्तालाई आगामी निर्वाचन र सरकार-एमाले सम्बन्धमा अर्थपूर्ण संकेतका रूपमा हेरिरहेका छन्।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
