सेतो खबर
काठमाडौं । राष्ट्र, राष्ट्रियता, धर्म, संस्कृति तथा नागरिक बचाऊ महाअभियानका संयोजक दुर्गा प्रसाईंले राजसंस्था पुनःस्थापना लगायतका आफूहरुको मागको विषयमा सरकारले पुस २ गतेसम्म निर्णय दिने जानकारी गराएका छन् ।
सोमबार प्रधानमन्त्री तथा मन्त्रिपरिषदको कार्यालयमा प्रधानमन्त्री सुशीला कार्कीसँग भेट गरेपछि पत्रकारहरूसँगको कुराकानीमा उनले सर्वदलीय तरिकाले यो व्यवस्था ठीक छ कि छैन भनेर जनमत संग्रहमा जान माग गरेको बताउँदै पुस २ गतेसम्म सरकारले निर्णय दिने जानकारी दिएका हुन् ।
त्यस्तै उनले सरकारले यदी पुस २ गतेसम्म निर्णय दिन नसके चुनाव नहुने चेतावनी दिए ।
उनले भने, ‘सर्वदलीय तरिकाले यो व्यवस्था ठीक छ कि छैन भनेर जनमत संग्रहमा जाऔं । जनताले खुशीसाथले भोट हाल्यो भने त सकियो नि त, झगडा, आन्दोलन लडाइँ नगर्ने हो भने सबै विषयमा जनमत संग्रहमा जाऔं । यदी पुस २ गतेसम्म डिजिसन दिन सक्नुभएन भने चुनाव हुँदैन । चुनाव त चाहिँदैन हामीलाई,’ उनले भने,
त्यस्तै, उनले प्रधानमन्त्री र गृहमन्त्रीले आफूहरुको मागका विषयमा मजाले सुनिदिएको भन्दै यीनै मागहरूलाई भ¥याङ बनाएर र यीनै गरिबहरूको लासमाथि टेकेर आज कम्युनिष्टहरुले अर्बौं कमाएको कुरा आफूले राखेको सुनाए ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
