सेतो खबर
काठमाडौं । सरकारले भदौ २३ र २४ गते जेन–जी पुस्ताद्वारा सञ्चालन गरिएको प्रदर्शनका क्रममा काठमाडौंसहित देशभर मृत्यु भएका ४५ जनालाई राज्यको तर्फबाट सहिद घोषणा गर्ने निर्णय गरेको छ।
सोमबार सिंहदरबारमा बसेको मन्त्रिपरिषद्को बैठकले उक्त निर्णय गरेको हो। सञ्चार तथा सूचना प्रविधिमन्त्री तथा सरकारका प्रवक्ता जगदीश खरेलले पत्रकार सम्मेलनमार्फत बैठकका निर्णय सार्वजनिक गर्दै भने, “नेपालको राष्ट्रहित, सुशासन तथा भ्रष्टाचार नियन्त्रणका माग राखी गरिएको प्रदर्शनका क्रममा ज्यान गुमाएका ४५ जनालाई सहिद घोषणा गर्ने निर्णय गरिएको छ।”
बैठकले साथै वैदेशिक रोजगार न्यायाधीकरणको सदस्यमा सहन्यायाधीवक्ता घनश्याम ओझालाई नियुक्त गर्ने निर्णय गरेको छ।
त्यस्तै, सरकारले बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग सञ्चालन नियमावली, २०८२ स्वीकृत गरेको जानकारी पनि मन्त्री खरेलले दिए।
यसैबीच, मन्त्रिपरिषद्ले इलाम जिल्लाका विपद् प्रभावित तहहरूलाई सहयोग उपलब्ध गराउन ५ करोड ३० लाख रुपैयाँ विपद् व्यवस्थापन कोषमा जम्मा गर्ने निर्णय गरेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
