कृष्णबहादुर महरा पूर्पक्षका लागि थुनामा पठाउन आदेश

काठमाडौं । जिल्ला अदालत काठमाडौंले पूर्वसभामुख तथा माओवादी केन्द्रका नेता कृष्णबहादुर महरालाई पुर्पक्षका लागि थुनामा पठाउने आदेश दिएको छ।

बुधबार जिल्ला अदालतका न्यायाधीश हर्कबहादुर क्षेत्रीको इजलासले बहस सकिएपछि महरालाई थुनामा पठाउने आदेश जारी गरेको हो। मंगलबार अदालतमा दुवै पक्षका तर्फबाट बकपत्र पूरा भएको थियो।

महरालाई विद्युतीय चुरोट (भेप) मार्फत सुन तस्करी गरेको आरोपमा प्रहरीले केही दिनअघि पक्राउ गरेको थियो। अनुसन्धानपछि प्रहरी र सरकारी वकिल कार्यालयले मुद्दा दायर गरेसँगै अदालतले उनीमाथि पुर्पक्षका लागि थुनामा राख्ने आदेश दिएको हो।

नेपाल प्रहरीको केन्द्रीय अनुसन्धान ब्युरो (CIB) ले महरालाई पक्राउ गरी अनुसन्धान अघि बढाएको थियो। अदालतको आदेशसँगै अब महरा थुनामै रहेर कानूनी प्रक्रिया सामना गर्ने भएका छन्।

यो प्रकरणले राजनीतिक वृत्तमा ठूलो चासो र विवाद उत्पन्न गरेको छ। पूर्वसभामुख महरा यसअघि पनि विभिन्न आरोप र विवादका कारण पटक–पटक सार्वजनिक चर्चामा आउने गरेका छन्।