सेतो खबर
काठमाडौं । इजरायली सेनाले दुई वर्षअघि हमासको नियन्त्रणमा परेका नेपाली विद्यार्थी विपीन जोशी जीवित नरहेको औपचारिक रूपमा पुष्टि गरेको छ।
इजरायली डिफेन्स फोर्स (आईडीएफ) ले इजरायलका लागि नेपाली राजदूत धनप्रसाद पण्डित र विपीनको परिवारलाई भिडियो कन्फ्रेन्समार्फत उक्त जानकारी गराएको हो।
विपिन जोशीलाई २०८० असोज २३ गते दक्षिणी इजरायलको किबुज आलुमिम क्षेत्रबाट हमासले अपहरण गरेको थियो। त्यसपछि मंसिर महिनासम्म उनको जीवित रहेको प्रमाणस्वरूप एक भिडियो सार्वजनिक भए पनि त्यसपछि उनको अवस्थाबारे इस्रायली पक्षले कुनै जानकारी दिएको थिएन।
जोशीको परिवार गत वर्ष इस्रायल पुगेको थियो र अहिले उनीहरू अमेरिका पुगेका छन्। गत बुधबार साँझ विपिनको पुरानो भिडियो सार्वजनिक भएपछि पुनः चर्चा चुलिएको थियो।
तर अहिले, जब हमासले आफ्ना कब्जामा रहेका २० जना कैदीहरू हस्तान्तरण गर्ने तयारी गर्दैछ, त्यही समयमा इजरायली सेनाले विपिनको मृत्युबारे औपचारिक पुष्टि गरेको हो।
यस घटनासँगै इस्रायली सरकारले लामो समयसम्म सत्य लुकाएको आरोपसमेत उठ्न थालेका छन्।
विपिन जोशीको मृत्युले नेपालमा मात्र होइन, विदेशमा अध्ययनरत र रोजगारीमा रहेका नेपालीहरूबीच पनि ठूलो शोक र आक्रोश पैदा गरेको छ।
नेपालका जनताका लागि यो घटना केवल एक व्यक्तिको मृत्यु मात्र होइन, विदेशमा रहेका नेपालीहरूको सुरक्षा, मानवअधिकार र सत्ताधारी शक्तिहरूले मानवीय संवेदनालाई कसरी राजनीति बनाउँछन् भन्ने गम्भीर प्रश्नको विषय बनेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
