सेतो खबर
काठमाडौं, जेठ । नेपाल राष्ट्र बैंकको रिक्त गभर्नर पदमा प्रा.डा. विश्वनाथ पौडेललाई नियुक्त गर्ने सहमति भएको छ। प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच भएको छलफलमा पौडेललाई गभर्नर नियुक्त गर्ने निर्णयमा सहमति जुटेको हो।
प्रा.डा. पौडेल राष्ट्रिय योजना आयोगका पूर्वउपाध्यक्ष हुन्। उनी हालसम्म राष्ट्र बैंक गभर्नर सिफारिस समितिका सदस्य थिए। नेपाली कांग्रेसले गभर्नर पदका लागि उनलाई अगाडि सारेपछि उनले सिफारिस समितिबाट राजीनामा दिएका थिए, जसले उनको उम्मेदवारीलाई थप औपचारिक बनाएको छ।
निवर्तमान गभर्नर महाप्रसाद अधिकारीको कार्यकाल २०८१ सालको चैत २२ गते सकिएको थियो। त्यसयता नेपाल राष्ट्र बैंक गभर्नरविहीन अवस्थामा छ, जसले आर्थिक नीतिनिर्माण र मौद्रिक व्यवस्थापनमा प्रभाव पारेको भन्दै आलोचना हुँदै आएको थियो।
प्रा.डा. पौडेललाई आर्थिक तथा मौद्रिक नीति, योजना तथा बजेट निर्माणमा लामो अनुभव छ। राष्ट्र बैंकको नेतृत्व सम्हाल्न लागेका उनीसँग अर्थतन्त्र सुदृढ गर्न र मुद्रा स्थायित्व कायम राख्न महत्वपूर्ण चुनौतीहरू रहनेछन्।
अब मन्त्रिपरिषद्बाट औपचारिक नियुक्ति प्रक्रिया अघि बढ्ने अपेक्षा गरिएको छ। पौडेलको नियुक्तिसँगै बैंकिङ प्रणालीमा स्थायित्व आउने विश्वास गरिएको छ।
काठमाडौँ । राष्ट्रिय गौरवको आयोजना मानिएको भैरहवास्थित गौतम बुद्ध अन्तर्राष्ट्रिय विमानस्थलमा भएको अनियमितता र भ्रष्टाचारबारे छानबिन गर्न प्रतिनिधिसभाको... विस्तृतमा
