सेतो खबर
काठमाडौं । नेपालकै पुरानो जीवन बीमा कम्पनीमध्ये एक, नेशनल लाइफ इन्स्योरेन्स कम्पनी लिमिटेडले सुरेश प्रसाद खत्रीलाई पुनः प्रमुख कार्यकारी अधिकृत (सिईओ) पदमा नियुक्त गरेको छ। कम्पनीको ५५०औं सञ्चालक समितिको बैठकले आगामी चार वर्षको कार्यकालका लागि खत्रीलाई पुनः नियुक्त गर्ने निर्णय गरेको हो।
खत्रीले २०७८ साल जेठ ३ गते पहिलो पटक सिईओ को जिम्मेवारी सम्हालेका थिए। उनको पहिलो कार्यकाललाई कम्पनीले सफल र प्रभावकारी मानेको छ। यही मूल्याङ्कनको आधारमा उनलाई दोस्रो कार्यकालको जिम्मेवारी दिइएको हो।
सिईओ खत्रीको नेतृत्वमा कम्पनीले विभिन्न आर्थिक तथा संस्थागत सूचकहरूमा उल्लेखनीय सफलता हासिल गरेको छ। जीवन बीमा कोष ४९ अर्ब रुपैयाँबाट बढेर ८१ अर्ब ३२ करोड रुपैयाँ नाघेको छ। वार्षिक बीमा व्यवसाय (प्रिमियम संकलन) १२ अर्ब रुपैयाँबाट बढेर १७ अर्ब रुपैयाँभन्दा बढी पुगेको छ। यी उपलब्धिहरूले खत्रीको नेतृत्व क्षमताको पुष्टि गरेको कम्पनीले जनाएको छ।
सुरेश प्रसाद खत्रीले नेशनल लाइफ इन्स्योरेन्समै वि.सं. २०५१ सालमा एक्जुकेटिभ सहायकका रूपमा आफ्नो सेवा सुरु गरेका थिए। तीन दशकको निरन्तर सेवामा उनले विभिन्न जिम्मेवारी सम्हाल्दै कम्पनीको उच्च व्यवस्थापनसम्मको यात्रा तय गरेका छन्।
कम्पनीका अनुसार, उनीसँगको दीर्घकालीन अनुभव, व्यावसायिक रणनीति र संस्थाप्रतिको निष्ठाले भविष्यमा कम्पनीलाई अझ उचाइमा पु¥याउने अपेक्षा गरिएको छ।
नेशनल लाइफले खत्रीको पुनः नियुक्तिले संस्थागत स्थिरता, नेतृत्वमा निरन्तरता र दीर्घकालीन रणनीतिक लक्ष्यहरू कार्यान्वयन गर्न सकारात्मक प्रभाव पार्ने विश्वास व्यक्त गरेको छ।
उनले दोस्रो कार्यकालमा डिजिटल रूपान्तरण, बीमा पहुँच विस्तार, ग्राहक सेवा सुधार, तथा लगानी विविधिकरण जस्ता क्षेत्रमा प्राथमिकता दिने योजना बनाएको बुझिएको छ।
नेशनल लाइफ इन्स्योरेन्स कम्पनी लिमिटेडले ३८ वर्षभन्दा बढी समयदेखि नेपाली बीमा क्षेत्रमा सेवा दिँदै आएको छ। देशभर शाखा सञ्जाल विस्तार, अनुभवी कर्मचारी तथा भरपर्दो सेवा प्रवाहका आधारमा कम्पनी लाखौं बीमितको विश्वास जित्न सफल भएको छ।
काठमाडौं । काठमाडौं उपत्यकालगायत देशका विभिन्न शहरहरु पछिल्लो समय वायु प्रदूषणको जोखिममा परेका छन् । जसका कारण मानव स्वास्थ्यमा गम्भीर समस्याहरु देखिरहेका छन् । साथै... विस्तृतमा
