सेतो खबर
काठमाडौं । लगातारको वर्षाका कारण पृथ्वी राजमार्ग अन्तर्गत मलेखु–मुग्लिङ सडक खण्डका १० भन्दा बढी स्थानमा पहिरो खस्नुका साथै सडक भासिँदा आवागमन पूर्ण रूपमा अवरुद्ध भएको छ । ठाउँ–ठाउँमा ठूला ढुङ्गा, रुख र लेदोसहितको पहिरो खसेपछि यो खण्ड भएर गुड्ने सवारीसाधन पूर्णरुपमा बन्द भएको हो ।
विशेष गरी कृष्णभीर, ज्यामिरेघाटको चौकीभीर, घोप्टेभीर र सिमलधारा क्षेत्रमा खसेको ठूलो पहिरोका कारण सडक दुईतर्फी नै ठप्प बनेको छ । फिस्लिङ क्षेत्रका तीन फरक–फरक ठाउँमा करिब २०० मिटर सडक पहिरोले ढाकेको छ भने त्यहाँको आधा भाग करिब ३० मिटर चर्किएर दबिएको छ ।
यसैगरी शीलतबजार, गोमति खोला, चुम्लिङटार र धारापानी खण्डमा पनि पहिरो र सडक भासिने समस्या देखिएको छ । धारापानीमा कल्भर्ट खुलाएर तथा शीलतबजारमा लेदो पन्छाएर एकतर्फी सवारी चलाउने प्रयास गरिए पनि हुग्दी खोलादेखि जवाङ खोलासम्म आधा दर्जन बढी स्थानमा निरन्तर पहिरो खसिरहेकाले आवागमन निकै जोखिमपूर्ण बनेको छ ।
सडक आयोजना र सुरक्षा निकायका अनुसार झरी नरोकिएकाले तत्काल काम गर्न कठिनाइ भइरहेको छ । वर्षा रोकिनासाथ सबै स्थानमा हेभी इक्विपमेन्ट परिचालन गरी पहिरो पन्छाउने तयारी गरिएको छ । बाटो पूर्ण रूपमा नखुलेसम्म यस खण्डमा अत्यावश्यक बाहेकको यात्रा नगर्न र सतर्क रहन प्रशासनले अनुरोध गरेको छ ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
