सेतो खबर
नेपाली कांग्रेसका सभापति गगनकुमार थापाले भोटेकोशी बाढीबाट प्रभावित नागरिकलाई राहत र पुनर्निर्माणसँगै भावनात्मक सहारा तथा कानुनी सहजता आवश्यक रहेको बताएका छन्।
आइतबार पार्टी केन्द्रीय कार्यालय सानेपामा बसेको केन्द्रीय कार्यसम्पादन समितिको बैठकमा थापाले नुवाकोट र रसुवाका बाढी प्रभावित क्षेत्रको स्थलगत भ्रमणका क्रममा देखेको अवस्थाबारे जानकारी गराएका हुन्।
उनले प्रभावित क्षेत्रमा सडक सञ्जाल विच्छेद हुँदा उद्धार तथा राहतमा कठिनाइ भइरहेको बताए। धेरै परिवारले आफन्त गुमाएको र कतिपय परिवार नै सखाप भएको उल्लेख गर्दै थापाले विपद्पीडित नागरिकको पीडा अत्यन्त गम्भीर रहेको बताए।
थापाले यो सामान्य विपद् नभई महाविपत्ति भएको भन्दै कांग्रेस पीडित नागरिकको साथमा रहने प्रतिबद्धता जनाए। प्रभावितलाई राहतसँगै करुणा, समानुभूति र दीर्घकालीन पुनर्स्थापनाको आवश्यकता रहेको उनको भनाइ छ।
बेपत्ता व्यक्तिको मृत्यु घोषणा गर्न विद्यमान कानुनी व्यवस्थाले पीडित परिवारलाई थप समस्या पारेको भन्दै थापाले तत्काल कानुनी व्यवस्था संशोधन गर्न सरकारको ध्यानाकर्षण गराए। उनले बेपत्ता व्यक्तिको मृत्यु प्रमाणित गर्ने अधिकार स्थानीय सरकारलाई दिनुपर्ने प्रस्तावसमेत अघि सारे।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
