सेतो खबर
काठमाडौं ।मानव सेवा नै सबैभन्दा ठूलो धर्म हो भन्ने भावनाका साथ सामाजिक सेवामा सक्रिय रहँदै आएका समाजसेवी मोहन गिरी सम्मानित भएका छन्। काठमाडौंस्थित होटल एसएनजीमा ई–सहयोगीले आयोजना गरेको विशेष कार्यक्रममा गिरीलाई सामाजिक क्षेत्रमा पुर्याएको योगदानको कदर गर्दै सम्मान गरिएको हो।
कार्यक्रममा प्रतिनिधि सभा सदस्य स्मृति सेन्चुरी प्रमुख अतिथिका रूपमा उपस्थित हुनुहुन्थ्यो भने पशुपति विकास क्षेत्रकी सदस्य संगीता कुमारी राम विशेष अतिथिका रूपमा सहभागी हुनुहुन्थ्यो। कार्यक्रममा ई–सहयोगीका सचिव आशिष डाँगीले समाजसेवी गिरीले गर्दै आएको सामाजिक कार्य र उनलाई सम्मान गर्नुको उद्देश्यबारे जानकारी गराउनुभएको थियो।
कार्यक्रमको अध्यक्षता राष्ट्रिय स्वतन्त्र पार्टीका नेता कृष्ण छोम्वाङले गर्नुभएको थियो। कार्यक्रममा सामाजिक क्षेत्रमा सक्रिय विभिन्न व्यक्तित्व तथा अतिथिहरूको समेत सहभागिता रहेको थियो।
समाजसेवी गिरीले आर्थिक अवस्था कमजोर भएका तथा आवश्यक सामग्रीको अभाव झेलिरहेका बालबालिकालाई लक्षित गर्दै लामो समयदेखि सहयोग अभियान सञ्चालन गर्दै आउनुभएको छ। उहाँले विशेषगरी विद्यालयमा अध्ययनरत विद्यार्थीलाई कपडा, झोला, स्टेशनरीलगायतका आवश्यक सामग्री निःशुल्क वितरण गर्दै आउनुभएको छ।
गिरीले हालसम्म १५ हजारभन्दा बढी विद्यार्थीलाई कपडा, झोला, स्टेशनरी तथा अन्य आवश्यक सामग्री वितरण गरिसकेको जानकारी दिनुभएको छ। उहाँकै पहलमा सिन्धुपाल्चोकको इन्द्रावती गाउँपालिकाभित्र रहेका ३७ वटा विद्यालयका ७ हजारभन्दा बढी विद्यार्थीलाई निःशुल्क कपडा वितरण गरिएको छ।
आर्थिक रूपमा कमजोर परिवारका बालबालिकालाई विद्यालय जान आवश्यक पर्ने कपडासमेत जुटाउन कठिन हुने अवस्थालाई मध्यनजर गर्दै सञ्चालन गरिएको उक्त अभियानले स्थानीय स्तरमा सकारात्मक प्रभाव पारेको बताइएको छ। आवश्यक सामग्री पाएपछि विद्यार्थीलाई विद्यालय जान सहज हुनुका साथै उनीहरूमा आत्मविश्वास बढाउन समेत सहयोग पुगेको आयोजकको भनाइ छ।
गिरीले कपडा वितरणमा मात्रै सीमित नभई दुःख तथा समस्यामा परेका व्यक्तिहरूलाई शैक्षिक सहयोगसमेत गर्दै आउनुभएको छ। आर्थिक अभावका कारण अध्ययनलाई निरन्तरता दिन कठिनाइ भोगिरहेका विद्यार्थीलाई विभिन्न माध्यमबाट सहयोग गर्दै आएको उहाँले बताउनुभएको छ।
कार्यक्रममा समाजसेवी गिरीको योगदानको प्रशंसा गर्दै सामाजिक सेवामा निरन्तर सक्रिय रहन प्रेरणा मिल्ने गरी सम्मान गरिएको आयोजकले जनाएको छ। सामाजिक सेवा, सहयोग र समुदायप्रतिको जिम्मेवारीलाई प्रोत्साहन गर्ने उद्देश्यले कार्यक्रम आयोजना गरिएको ई–सहयोगीले जनाएको छ।
सो अवसरमा सामाजिक क्षेत्रमा योगदान पुर्याउँदै आएका दानबहादुर जीसीलगायत अन्य अतिथि तथा व्यक्तित्वहरूलाई समेत सम्मान गरिएको थियो।
कार्यक्रमका सहभागीहरूले समाजमा आर्थिक तथा सामाजिक रूपमा कमजोर वर्गका मानिसलाई सहयोग गर्ने अभियानले समुदायमा सकारात्मक सन्देश प्रवाह गर्ने बताएका थिए। यस्ता कार्यले सामाजिक उत्तरदायित्व र मानवीय सहयोगको भावनालाई थप बलियो बनाउने उनीहरूको भनाइ थियो।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
