सेतो खबर
काठमाडौं । ओमप्रकाश अर्यालले निर्वाचनका क्रममा कुनै पनि गैरकानूनी तथा अवाञ्छित गतिविधिमा संलग्न व्यक्तिलाई कडा कानूनी कारबाही गरिने स्पष्ट चेतावनी दिएका छन्।
आज बिहान ७७ वटै जिल्लाका प्रमुख जिल्ला अधिकारीहरूसँग बसेको भर्चुअल बैठकमा गृहमन्त्री अर्यालले सुरक्षा निकायलाई पूर्ण सतर्कताका साथ परिचालन गर्न निर्देशन दिएका हुन्। उनले यस्ता गतिविधि नियन्त्रणमै सीमित नरही अनुसन्धान, अभियोजन र अदालतसम्म पुर्याइने बताए।
उनले भने, “त्यस्ता गतिविधि देखिए हामी नियन्त्रणमा मात्रै लिँदैनौँ, कानूनी कारबाही गर्छौँ। अनुसन्धान गर्छौँ, अभियोजन गर्छौँ र अदालतमा पनि पेश गर्छौँ। दोषीहरू दण्डको भागीदार बन्नुपर्छ।”
अन्तरिम सरकारले गराउन लागेको प्रतिनिधि सभा सदस्य निर्वाचन २०८२ विगतका निर्वाचनभन्दा अझ सुदृढ, स्वच्छ र धाँधलीरहित हुने दाबी गर्दै उनले नागरिकलाई भयमुक्त वातावरणमा मतदान गर्न पाउने अधिकार सुनिश्चित गरिएको बताए।
गृहमन्त्री अर्यालका अनुसार “प्रतिनिधि सभा सदस्य निर्वाचन, २०८२” का लागि एकीकृत सुरक्षा योजना कार्यान्वयनमा ल्याइएको छ। सोही योजना अनुसार देशभरका सबै मतदान स्थलमा सुरक्षा संयन्त्र परिचालित गरिएको र आवश्यकताअनुसार थप सुरक्षा व्यवस्था कडा पार्ने तयारी अवस्थामा रहेको जानकारी दिए।
निर्वाचनलाई केवल प्रतिनिधि छान्ने प्राविधिक प्रक्रिया मात्र नभई राजनीतिक सुशासन सुदृढ गर्ने महत्वपूर्ण अवसरका रूपमा लिन उनले मतदातासँग आग्रह गरे। साथै, शान्तिपूर्ण र मर्यादित वातावरणमा मतदान सम्पन्न गराउन सबै राजनीतिक दल, उम्मेदवार, सुरक्षाकर्मी तथा सर्वसाधारणलाई सहयोग गर्न आह्वानसमेत गरेका छन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
