स्वतन्त्र मतदानले मात्र मुलुकमा सुशासन प्रवाह हुन्छ : निर्वाचन आयुक्त भण्डारी

काठमाडौं । निर्वाचन आयोगका कार्यवाहक प्रमुख निर्वाचन आयुक्त रामप्रसाद भण्डारीले काठमाडौंमा शुक्रबार आयोजित निर्वाचन र आम सञ्चार विषयक मुख्य प्रशिक्षक प्रशिक्षण कार्यशाला गोष्ठीमा मतदातालाई सचेत गराउनुपर्नेमा जोड दिएका छन् ।

भण्डारीले कार्यक्रममा भजेर्, अहिले मुख्य रूपमा मतदातालाई प्रशिक्षण दिनु अत्यावश्यक छ। भदौ २३ र २४ मा भएको बिद्रोह र त्यसको विषम परिस्थितिमा यस निर्वाचनको घोषणा गरिएको हो। यो आवधिक निर्वाचन नभई अग्रिम निर्वाचन हो। यस निर्वाचनको उद्देश्य मुलुकलाई अनुशासनको लयमा फर्काएर शान्ति, सुरक्षा कायम गर्दै सुशासन प्रवाह गर्न सक्षम व्यक्ति चयन गर्नु हो।’

उनले थप भनेर्, यदि मतदाता मतदान गर्नबाट बञ्चित हुनुहुन्छ भने, त्यसले आफैंले चाहेको वा गर्न खोजेको कार्यबाट बञ्चित हुनु जस्तै हुनेछ। तपाईंको मतले मात्र सुशासन प्रवाह गर्न सक्ने योग्य व्यक्ति चयन गर्न सक्छ। त्यसैले स्वतन्त्र रूपमा मतदान गर्नुहोस्।’

निर्वाचन आयुक्त भण्डारीले मतदातालाई सचेत गराउन सञ्चार माध्यमको भूमिकाको महत्त्वमा पनि जोड दिए । उनका अनुसार विभिन्न स्थानमा रहेका सञ्चार माध्यमहरूले हरेक मतदातालाई मतदानको अधिकार र यसको प्रभावबारे जानकारी दिनुपर्ने हुन्छ।

कार्यक्रममा सहभागी मुख्य प्रशिक्षकहरूले मतदाता शिक्षाका कार्ययोजना, निर्वाचन प्रक्रियामा संलग्न चुनौती र सञ्चार माध्यममार्फत सूचना प्रवाह गर्ने रणनीतिहरूको व्यावहारिक तालिम पनि लिएका थिए।