सेतो खबर
सिड्नी । अस्ट्रेलियामा भएको कार–ट्रक ठक्कर दुर्घटनामा एकै परिवारका तीन नेपालीको मृत्यु भएको दुःखद घटना सार्वजनिक भएको छ। मृत्यु हुनेमा बुवा कृष्ण हरि भण्डारी, आमा सपना न्यौपाने र तीन वर्षीय छोरा रुबेन न्यौपाने रहेका छन्।
अस्ट्रेलियाली प्रहरीले जनाएअनुसार दुर्घटना अत्यन्तै भीषण र क्षणमै घातक भएको थियो। उक्त दुर्घटनामा सवार सबैको घटनास्थलमै मृत्यु भएको बताइएको छ। प्रहरीले दुर्घटनाको कारण पत्ता लगाउन विस्तृत अनुसन्धान सुरु गरेको छ।
स्थानीय समुदायका अनुसार भण्डारी परिवार लामो समयदेखि अस्ट्रेलियामा बसोबास गर्दै आएको थियो र उनीहरू सामाजिक रूपमा पनि सक्रिय थिए। दुर्घटनापछि नेपाली समुदाय शोकमा डुबेको छ।
प्रहरीले घटनास्थलमा रहेका प्रमाण र ट्रक चालकको बयानका आधारमा थप विवरण संकलन गर्दै अनुसन्धान जारी राखेको जनाएको छ।
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
