सेतो खबर
काठमाडौँ । नेपाल प्रहरीको नयाँ महानिरीक्षक (आईजीपी)मा दानबहादुर कार्की नियुक्त भएका छन्। सोमबार बसेको मन्त्रिपरिषद्को बैठकले कार्कीलाई प्रहरी संगठनको ३३औँ महानिरीक्षकमा नियुक्त गरेको हो।
वर्तमान आईजीपी चन्द्र कुवेर खापुङले ३० वर्षे सेवा अवधि पूरा गरी कार्तिक २६ गते अवकाश लिन लागेका छन्। खापुङले गत भदौ १९ गते प्रहरी संगठनको कमाण्ड समालेका थिए।
आईजीपी पदका लागि कार्कीसँगै उनका ब्याचमेट एआईजी राजन अधिकारी, डा. मनोज कुमार केसी र सिद्धी विक्रम शाह पनि दाबेदारका रूपमा प्रतिस्पर्धामा थिए।
२०८२ वैशाखमा एआईजीमा बढुवा भएका कार्की वरीयता सूचीमा पहिलो नम्बरमा थिए। उनले २०५४ चैत १८ गते इन्स्पेक्टरको रूपमा प्रहरी सेवामा प्रवेश गरेका थिए।
यदि प्रहरी ऐन तथा नियमावलीमा कुनै परिवर्तन भएन भने कार्कीले २०८४ चैत १७ सम्म नेपाल प्रहरीको नेतृत्व गर्नेछन्।
नयाँ आईजीपी कार्कीलाई संगठनमा अनुशासित, कार्यदक्ष र शान्त स्वभावका अफिसरका रूपमा चिनिन्छ। उनकी नियुक्तिसँगै अब नेपाल प्रहरीमा नयाँ नेतृत्वको शुरुवात भएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
