सेतो खबर
काठमाडौं । ग्लोबल आइएमई बैंक लिमिटेडले आर्थिक वर्ष २०८१/८२ को मुनाफाबाट आफ्ना शेयरधनीहरूलाई ८ प्रतिशत नगद लाभांश वितरण गर्ने घोषणा गरेको छ।
बैंकले हाल कायम चुक्ता पूँजीको ८ प्रतिशत दरले कर प्रयोजनसहितको नगद लाभांश वितरण गर्ने प्रस्ताव गरेको हो। उक्त प्रस्ताव नेपाल राष्ट्र बैंकको स्वीकृति तथा बैंकको आगामी वार्षिक साधारणसभाबाट पारित भएपछि कार्यान्वयनमा आउनेछ।
ग्लोबल आइएमई बैंकले पछिल्ला वर्षहरूमा उत्कृष्ट प्रदर्शन गर्दै अन्तर्राष्ट्रिय स्तरमा पनि मान्यता प्राप्त गर्दै आएको छ। बैंकले ग्लोबल फाइनान्सको “बेष्ट बैंक अवार्ड २०२४ र २०२५”, साथै युरो मनी अवार्ड फर एक्सलेन्स २०२४ अन्तर्गत दुई विधामा “नेपालको सर्वश्रेष्ठ बैंक” को उपाधि प्राप्त गरेको हो। यसअघि पनि बैंकले युरो मनी अवार्ड फर एक्सलेन्स २०२२, २०२४ र २०२५ मा “बेष्ट बैंक”को सम्मान प्राप्त गरिसकेको छ।
मुलुकका सबै ७७ जिल्लामा शाखा विस्तार गरेको ग्लोबल आइएमई बैंक निजी क्षेत्रको पहिलो वाणिज्य बैंक हो जसको देशव्यापी सञ्जाल अत्यन्त सशक्त छ। बैंकका हाल ३५२ शाखा कार्यालय, ३८४ एटिएम, १५५ शाखा रहित बैंकिङ सेवा, ६८ एक्सटेन्सन तथा राजश्व संकलन काउन्टर र ३ वटा वैदेशिक प्रतिनिधि कार्यालयसहित १,००० भन्दा बढी सेवा केन्द्रहरूबाट सेवा प्रदान भइरहेको छ।
बैंकले देशभित्र मात्र नभई विश्वका विभिन्न देशहरूबाट रेमिट्यान्स सेवा पनि प्रदान गर्दै आएको छ। हाल ग्लोबल आइएमई बैंकले संयुक्त राज्य अमेरिका, संयुक्त अधिराज्य (यूके), क्यानडा, अष्ट्रेलिया, मलेशिया, दक्षिण कोरिया, जापान, साउदी अरब, कतार, यूएई, बहराइन, कुवेत, भारत, जोर्डन लगायतका देशहरूबाट रेमिट्यान्स भित्र्याउँदै आएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
