सेतो खबर
काठमाडौँ । नेपाली कांग्रेसकी समानुपातिक सांसद माया राईविरुद्ध काठमाडौं जिल्ला अदालतमा मुद्दा दायर गरिएको छ। जिल्ला प्रहरी परिसर काठमाडौंले गरेको अनुसन्धान प्रतिवेदनका आधारमा जिल्ला सरकारी वकिलको कार्यालयले मंगलबार मुद्दा दायर गरेको हो। सहमहान्यायाधिवक्ता रामहरि शर्मा काफ्लेले यसबारे जानकारी दिएका छन्।
राईलाई स्वर्णलक्ष्मी सहकारी प्रकरणमा संलग्न रहेको आरोपमा वैशाख १३ गते राति कपनस्थित निवासबाट प्रहरीले पक्राउ गरेको थियो। लामो समयदेखि फरार रहँदै आएकी राईमाथि सत्ता संरक्षणका कारण कारबाही नभएको भन्दै आलोचना हुँदै आएको थियो। पक्राउ परेपछि उनीमाथि सहकारीको रकम दुरुपयोग, ठगी र आपराधिक विश्वासघातजस्ता अभियोगहरू लागेका छन्।
राई भोजपुर स्थायी घर भएकी हुन् र नेपाली कांग्रेसको तर्फबाट प्रतिनिधिसभामा समानुपातिक सांसदको जिम्मेवारीमा छिन्। स्वर्णलक्ष्मी सहकारी प्रकरणमा सयौं पीडितले न्यायको माग गर्दै आएका छन्। यो मुद्दाले सहकारी क्षेत्रमा देखिएको भ्रष्टाचार र राजनीतिक संरक्षणको गम्भीर सवाल उठाएको छ।
यसअघि पनि सहकारी ठगीमा संलग्न ठानिएका अन्य व्यक्तिहरू पक्राउ परेका थिए भने केही अझै फरार छन्। अब अदालतले सांसद राईको मुद्दामा कुन दिशा लिन्छ भन्नेमा आम चासो बढेको छ।
काठमाडौं । काठमाडौं उपत्यकालगायत देशका विभिन्न शहरहरु पछिल्लो समय वायु प्रदूषणको जोखिममा परेका छन् । जसका कारण मानव स्वास्थ्यमा गम्भीर समस्याहरु देखिरहेका छन् । साथै... विस्तृतमा
