सेतो खबर
बुटवल । लुम्बिनी प्रदेशसभा सदस्य गीता गुरुङले आफ्नो पदबाट राजीनामा दिएकी छिन्। मंगलबार उनले प्रदेशसभा सभामुखसमक्ष राजीनामा पत्र बुझाउँदै पद त्याग गरेकी हुन्।
जनमत पार्टीबाट समानुपातिक प्रतिनिधित्वमार्फत प्रदेशसभा प्रवेश गरेकी गुरुङले राजीनामा पत्रमा कार्यक्षमताको सीमितताका कारण जनताको अपेक्षाअनुसार काम गर्न नसकेको उल्लेख गरेकी छन्।
“म मेरा आदरणीय जनताको सेवा गर्न र मप्रति कार्यक्षमताको आश गरिबसेका मेरा स्वाभिमानी जनता, आमाबुबा, दाजुभाइ, दिदीबहिनी लगायतका आशाका किरणहरू स्वलुप्त भइरहेको मलाई आभास भइरहेको छ,” राजीनामा पत्रमा उल्लेख छ।
गुरुङले देश र जनताको पीरमर्का राम्ररी बुझे पनि आफूले सशक्त हस्तक्षेप गर्न नसकेको भन्दै गहिरो आत्ममन्थनपछि राजीनामा दिने निर्णय गरेको जनाएकी छन्।
उनको राजीनामालाई लुम्बिनी प्रदेशको राजनीतिक वृत्तमा एक महत्त्वपूर्ण घटनाको रूपमा हेरिएको छ। अब जनमत पार्टीले उनीको स्थानमा नयाँ सांसद सिफारिस गर्नेछ।
राजीनामा स्वीकृत भइसकेको वा पार्टीको औपचारिक धारणा के छ भन्ने विषयमा भने अहिलेसम्म स्पष्ट जानकारी आएको छैन।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
