सेतो खबर
काठमाडौँ । चिकित्सा शिक्षा सुधार अभियानका अगुवा तथा अनशनकारी डा. गोविन्द केसीले सरकारले एमबिबिएस तथा बिडिएस कार्यक्रमका लागि निजी मेडिकल कलेजहरूमा सिट संख्या बढाउने प्रयास गरे पुनः सत्याग्रहमा जानुपर्ने अवस्था आउन सक्ने चेतावनी दिएका छन्।
मंगलबार एक विज्ञप्ति जारी गर्दै डा. केसीले चिकित्सा शिक्षा आयोगको पछिल्लो गतिविधिप्रति गम्भीर असन्तुष्टि जनाउँदै यस्तो चेतावनी दिएका हुन्। उनले भनेका छन्, “एमबिबिएस सिट हालको संख्या भन्दा एक सिट पनि नबढाउन, र निजी मेडिकल कलेजबाट श्रम शोषणमा पीडित रेजिडेन्ट डाक्टरहरूको माग सम्बोधन गर्न, साथै विगतमा हामीसँग भएका सम्झौता तुरुन्त कार्यान्वयन गर्न जोडदार माग गर्छौं। अन्यथा नेपाल फर्केपछि सत्याग्रह गर्न बाध्य हुनेछौं।”
हालै चिकित्सा शिक्षा आयोगले एमबिबिएस र बिडिएस कार्यक्रमका सिट संख्या वृद्धि गर्न एक समिति गठन गरेर प्रक्रिया अगाडि बढाएको छ। डा. केसीले आयोगको यस निर्णयको कडा विरोध गर्दै यस्तो कार्यले चिकित्सा शिक्षालाई अझै व्यवसायिक र पहुँचवालामुखी बनाउने खतरा रहेको बताएका छन्।
डा. केसीले वर्षौंदेखि चिकित्सा शिक्षाको पहुँच विस्तार गर्नका लागि सरकारी मेडिकल कलेजहरूको माग गर्दै आएका छन्। तर सरकारले यसको कार्यान्वयनमा कुनै गम्भीरता नदेखाएको आरोप पनि उनले लगाएका छन्।
उनले भने, “गेटा स्वास्थ्य विज्ञान प्रतिष्ठान निर्माण सम्पन्न भएको धेरै वर्ष भइसकेको छ, तर अझै सञ्चालन रोकिएको छ। इलाम, उदयपुर र डडेल्धुरामा खोलिने भनिएको मेडिकल कलेज तथा प्रतिष्ठानहरूको निर्माण कार्य पनि सुरु भएको छैन। सरकारले नयाँ सरकारी मेडिकल प्रतिष्ठान खोल्न नचाहेको र यसको लागि बहाना बनाउँदै आएको छ।”
मागहरूको सूची
काठमाडौं । काठमाडौं उपत्यकालगायत देशका विभिन्न शहरहरु पछिल्लो समय वायु प्रदूषणको जोखिममा परेका छन् । जसका कारण मानव स्वास्थ्यमा गम्भीर समस्याहरु देखिरहेका छन् । साथै... विस्तृतमा
