देउवा १० बर्षपछि चौथोपटक प्रधानमन्त्री बन्दै

जेठ २३, काठमाडौं । प्रमुख दल नेपाली कांग्रेसका सभापति शेरबहादुर देउवा १० बर्षपछि आज चौथो पटक प्रधानमन्त्री बन्ने निश्चित भएको छ ।
प्रमुख सत्ता साझेदार दल नेकपा माओवादी केन्द्र, नेपाल लोकतान्त्रिक फोरम, समाजवादी जनता पार्टी, अखण्ड नेपाल पार्टी, नेकपा ९संयुक्त० सहित अन्य साना दलका ३१० सांसदको समर्थनमा काँग्रेस संसदीय दलका नेता देउवाले जेठ २० गते प्रधानमन्त्रीमा उम्मेदवारी दर्ता गराउनुभएको थियो ।

आज हुने भनिएको प्रधानमन्त्रीको निर्वाचनमा उनी एक्ला उमेदवार हुुन भने दुई तिहाई सांसदले उनलाई समर्थन गर्ने निर्णय गरिसकेका छन् । त्यसैले देउवा आज प्रधानमन्त्री निर्वाचीत हुने पक्का भइसकेको छ । यसअघि देउवा २०५२ सालमा पहिलो पटक, २०५८ सालमा दोश्रो पटक र २०६१ सालमा तेश्रो पटक प्रधानमन्त्री भएका थिए ।

अहिलेसम्म देउवालाई नेकपा एमाले,नेकपा माले,नेपाल मजदु्र किसान पार्टी, राष्ट्रिय जनमोर्चा, वौद्धिक जनतान्त्रीक परिषद नेपालबाहेक सबै पार्टीले प्रधानमन्त्रीका लागि समर्थन गर्ने कांग्रेस एक नेताले जानकारी दिए ।
प्रधानमन्त्री पुष्पकमल दाहालले यही जेठ १० गते पदबाट राजीनामा दिएपछि राष्ट्रपति विद्यादेवी भण्डारीले संविधानानुसार जेठ ११ गते संसद्मा रहेका राजनीतिक दलको सहमतिमा प्रधानमन्त्री चयन गर्न सात दिनको समयावधिसहित आह्वान गर्नुभएको थियो ।