सेतो खबरद्वारा प्रकाशित गरिएको हो |
बझाङ । बझाङको बुंगलमा भएको अटो दुर्घटनामा चार जनाको मुत्यु भएको छ । दुर्घटनापछि बेपत्ता भएकी चार वर्षीया बालिका रियास महराको शव फेला परेसँगै मृतकको संख्या चार पुगेको हो।
सोमबार बिहान बुंगल गाउँपालिका–१० टुमेडाबाट बुंगल–११ हिड्नेगडा बजारतर्फ जाँदै गरेको सुपप्र ०१–००१ ह ७९९८ नम्बरको अटो ब्रेक फेल भएर दुर्घटनामा परेको थियो। अटो सडकबाट करिब ९०० मिटर तल खसेको थियो।
दुर्घटनाका बेला अटोमा चालकसहित ६ जना सवार थिए। दुर्घटनालगत्तै तीन जनाको मृत्यु भएको थियो भने दुई जना बेपत्ता भएका थिए। खोजी गर्ने क्रममा थप एक बालिकाको शव फेला परेको जिल्ला प्रहरी कार्यालय बझाङले जनाएको छ।
यसअघि दुर्घटनामा बुंगल नगरपालिका–१० की ४० वर्षीया राजमति महरा, १६ वर्षीया तारा महरा र ६ वर्षीया डल्ली महराको मृत्यु भएको थियो।
अटोमा सवार १३ वर्षीय विक्रम महरा भने सकुशल रहेको र घर फर्किएको प्रहरीले जनाएको छ। दुर्घटनामा संलग्न अटो चालक बुंगल नगरपालिका–११ का २५ वर्षीय टेकबहादुर पातलीलाई प्रहरीले नियन्त्रणमा लिएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा