सेतो खबर
काठमाडौं । नेपाल कम्युनिस्ट पार्टी (बहुमत)का नवनिर्वाचित महासचिव उदय बहादुर चलाउने ‘दिपक’ ले नेपाली जनताको अवस्था बदल्न व्यवस्था नै बदल्नुपर्ने धारणा राखेका छन् ।
आइतबार काठमाडौंमा भएको पत्रकार भेटघाटमा चलाउनेले सरकारका जनविरोधी गतिविधिविरुद्ध निकट भविष्यमा संघर्षको प्रक्रियालाई अगाडि बढाउने उद्घोषसमेत गरे ।
हालै भएको प्रथम राष्ट्रिय सम्मेलनबाट महासचिवमा निर्वाचित चलाउनेले जनसंविधानका लागि जनपरिचालन गरि वर्तमान व्यवस्थालाई विस्थापन गर्ने संघर्ष अगाडि बढाउने उद्घोष गरे ।
वर्तमान दलाल पुँजीवादी व्यवस्थाको बालेन सरकारले इतिहासमै राष्ट्रिय स्वाधीनतालाई कमजोर बनाउँदै लगेको, सुशासनका नाममा कुशासनलाई प्रसय दिएको र जनताको जनजीविकालाई थप कष्टकर बनाउँदै गएकाले त्यसको विकल्प खोज्नुपर्ने उनको कथन छ ।
‘सुरुमै सुकुम्बासी बस्तिमा डोजर चलाएर यो सरकार निम्न वर्गको शत्रु र उच्च वर्गको रक्षाकवच बनेको पुष्टि भएको छ,’ उनले भने ।
भोटेकोशीको बाढीलाई अवसर बनाएर सरकारले एकद्वारका नाममा अरबौं रकम संकलन गरि उक्त रकम बाढी पीडितलाई राहत वितरण नगरि प्रधानमन्त्रीको कार्यालयमा थन्क्याउनु नै रकम अपचलन र भ्रष्टाचार गरेसरह भएको उनले जनाए ।
प्रधानमन्त्री बालेन्द्र शाहको अपरिपक्वताको कारण हजारौं नागरिकले ज्यान गुमाएको र हालसम्म पनि राहत तथा उद्धार कार्य प्रभावकारी हुन नसक्नु गम्भीर चिन्ताको विषय रहेको उनको भनाई छ ।
प्रधानमन्त्री शाहले संयुक्त राष्ट्रसंघ महासभामा हिमालय क्षेत्रलाई प्रयोगशालाका रुपमा प्रयोग हुने किसिमको अस्पष्ट अभिव्यक्तिप्रति पार्टीका नेता गुणराज लोहनीले गम्भीर आपत्ति जनाए ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
