सेतो खबर
काठमाडौं । नेपाली कांग्रेसका सांसद योगेश गौचन थकालीले मुस्ताङको लोमान्थाङमा गएको भूकम्पका कारण ३०० देखि ५०० घरधुरीसम्म क्षति पुगेको भन्दै प्रभावित परिवारका लागि तत्काल सुरक्षित आवास र राहतको व्यवस्था गर्न सरकारको ध्यानाकर्षण गराएका छन् ।
बिहीबार बसेको प्रतिनिधिसभाको बैठकमा बोल्दै सांसद थकालीले भाद्र २३ गते राति लोमान्थाङ गाउँपालिका–छोसेर क्षेत्र केन्द्रविन्दु भएर गएको ५.३ म्याग्निच्युडको भूकम्पपछि पटक–पटक धक्का महसुस भएको बताए ।
उनले भने, ‘मैंले प्रतिनिधित्व गर्ने निर्वाचन क्षेत्र मुस्ताङमा यही भाद्र २३ गते राति लोमान्थाङ गाउँपालिका अन्तर्गत छोसेर क्षेत्र केन्द्रविन्दु भएर गएको ५.३ म्याग्निच्युडको भूकम्पपछि पछिल्लो २४ घण्टामा पटक–पटक गरी करिब ८ पटकसम्म धक्का महसुस भएको छ । यसबाट मुस्ताङको लोमान्थाङ गाउँपालिकाका वडा नम्बर १, २, ३ र ३, ४ र ५ मा घर तथा भौतिक संरचनामा क्षति पुगेको छ ।’
उनका अनुसार भूकम्पका कारण लोमान्थाङ गाउँपालिकाका विभिन्न वडामा घर तथा भौतिक संरचनामा क्षति पुगेको छ ।
‘गाउँपालिकाको प्रारम्भिक अध्ययन अनुसार करिब ३०० देखि ५०० घरधुरीसम्म सामान्यदेखि गम्भीर प्रकृतिको क्षति पुगेको छ । केही घरहरू बस्न नमिल्ने तथा अत्यन्त जोखिमपूर्ण अवस्थामा पुगेको छ । लोमान्थाङ ऐतिहासिक तथा सांस्कृतिक महत्त्व बोकेको एक उच्च हिमाली बस्ती र मानव सभ्यता हो, जहाँ ¥याम्प अर्थ प्रविधिबाट निर्मित परम्परागत माटाका घरहरू छन् र यसलाई एउटा जीवित सङ्ग्रहालयको रूपमा, लिभिङ म्युजियमको रूपमा पनि परिचित छ,’ उनले भने ।
भूकम्पपछि वर्षाका कारण चर्किएका तथा कमजोर बनेका संरचनामा थप क्षति पुगेको भन्दै उनले प्रभावित क्षेत्रमा जोखिम बढेको बताए । विद्यालय, सार्वजनिक संरचना तथा ऐतिहासिक र धार्मिक सम्पदामा समेत क्षति पुगेको प्रारम्भिक विवरण आएको उनको भनाइ छ ।
उनले क्षतिको मूल्याङ्कनका आधारमा प्रभावित घरधुरीलाई क्षतिपूर्ति तथा पुनर्निर्माणको स्पष्ट व्यवस्था गर्न र विद्यालय तथा ऐतिहासिक सम्पदाको संरक्षण तथा पुनस्र्थापनाका लागि आवश्यक कदम चाल्न सरकारको ध्यानाकर्षण गराएका छन् ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
