सेतो खबर
काठमाडौं, असार १९ । स्वास्थ्य बीमा बोर्डले बीमित नागरिकलाई अनावश्यक स्वास्थ्य परीक्षण तथा उपचारको माग नगर्न आग्रह गरेको छ। बोर्डले बिहीबार जारी गरेको प्रेस विज्ञप्तिमा स्वास्थ्य बीमा सेवाको जिम्मेवार र प्रभावकारी उपयोग गर्न सबै पक्षलाई अपिल गरेको हो।
बोर्डका अनुसार स्वास्थ्य बीमा कार्यक्रम सीमित स्रोतसाधनका बाबजुद पनि दैनिक हजारौं नागरिकलाई स्वास्थ्य सेवा उपलब्ध गराउँदै आएको छ। तर, कार्यक्रमको दिगोपन सुनिश्चित गर्न बीमित सेवाग्राही, चिकित्सक तथा स्वास्थ्यकर्मी सबैले आवश्यकताअनुसार मात्रै स्वास्थ्य सेवा र परीक्षण गर्नुपर्ने जनाएको छ।
बोर्डले बीमित सेवाग्राहीलाई अनावश्यक स्वास्थ्य सेवा वा परीक्षणको माग नगर्न तथा चिकित्सक र स्वास्थ्यकर्मीलाई पनि आवश्यकताभन्दा बढी परीक्षण वा उपचारका लागि सिफारिस नगर्न अनुरोध गरेको छ। यसले स्वास्थ्य बीमा कार्यक्रमको प्रभावकारिता र वित्तीय दिगोपन कायम राख्न सहयोग पुग्ने बोर्डको विश्वास छ।
यस्तै, सेवा प्रदायक स्वास्थ्य संस्थाहरूलाई बीमितको उपचार सेवामा कुनै अवरोध नगरी स्वास्थ्य बीमा कार्यक्रमअन्तर्गत तोकिएका मापदण्डअनुसार गुणस्तरीय सेवा निरन्तर उपलब्ध गराउन बोर्डले आग्रह गरेको छ।
प्रेस विज्ञप्तिअनुसार चालु आर्थिक वर्षमा सेवा प्रदायक स्वास्थ्य संस्थाहरूलाई **रु. २३ अर्ब ४४ करोड २ लाख ९८ हजार १६** भुक्तानी गरिएको छ। साथै, २०८२ साल मंसिरसम्मका सबै दाबी भुक्तानी फरफारक भइसकेको र त्यसपछिका दाबी भुक्तानीका लागि आवश्यक बजेट व्यवस्थापन तथा दिगो वित्तीय स्रोत सुनिश्चित गर्न सम्बन्धित निकायसँग समन्वय भइरहेको बोर्डले जनाएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
