सेतो खबर
काठमाडौं । राष्ट्रिय स्वतन्त्र पार्टी (रास्वपा) को प्रथम महाधिवेशनअन्तर्गत सहप्रवक्ता प्रतिभा रावलले उपसभापति (महिला) पदमा उम्मेदवारी दिने घोषणा गरेकी छन्।
रावलले पार्टीभित्र महिला नेतृत्वलाई थप सशक्त बनाउने र संगठनलाई देशव्यापी रूपमा मजबुत बनाउने उद्देश्यसहित उपसभापति पदमा दाबी प्रस्तुत गरेकी हुन्।
उनी हाल रास्वपाकी सहप्रवक्ता रहनुका साथै भूमि व्यवस्था, सहकारी तथा सामान्य प्रशासनमन्त्रीको जिम्मेवारीमा समेत कार्यरत छन्। पार्टीको स्थापना कालदेखि सक्रिय रहेकी रावलले संगठन विस्तार, नीति निर्माण तथा जनसरोकारका विषयमा निरन्तर भूमिका खेल्दै आएकी छन्।
रास्वपाको महाधिवेशनमा नेतृत्व चयनका लागि विभिन्न पदमा उम्मेदवारी घोषणा हुने क्रम जारी रहेको छ। महाधिवेशनले आगामी कार्यकालका लागि नयाँ नेतृत्व चयन गर्नेछ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
