सेतो खबर
चितवन । नेपाली कांग्रेसका सभापति गगनकुमार थापा राष्ट्रिय स्वतन्त्र पार्टी (रास्वपा)को प्रथम महाधिवेशनको उद्घाटन सत्रमा सहभागी हुने भएका छन्।
यसअघि कांग्रेसले उपसभापति पुष्पा भुसाललाई महाधिवेशनमा पठाउने निर्णय गरेको भए पनि अन्तिम समयमा सभापति थापा स्वयं सहभागी हुने तय भएको स्रोतले जनाएको छ।
सभापति थापाले आइतबार बिहान सामाजिक सञ्जालमार्फत रास्वपा सभापति रवि लामिछानेलाई महाधिवेशनको सफलताको शुभकामना व्यक्त गरेका थिए।
भरतपुरमा आज हुने उद्घाटन सत्रका लागि रास्वपाले संसदमा प्रतिनिधित्व गर्ने सबै राजनीतिक दललाई निमन्त्रणा दिएको थियो। उद्घाटन समारोहमा कांग्रेस सभापति थापा र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देन सहभागी हुने प्रमुख शीर्ष नेताका रूपमा रहेका छन्।
त्यस्तै, नेकपा एमालेका नेता प्रदीप ज्ञवाली र नेकपाका नेता वर्षमान पुन पनि उद्घाटन समारोहमा सहभागी हुने भएका छन्। श्रम संस्कृति पार्टीका सांसद आरेन राईले भने व्यस्तताका कारण कार्यक्रममा उपस्थित हुन नसक्ने बताएका छन्।
रास्वपाको प्रथम महाधिवेशन आजदेखि चितवनको भरतपुरमा सुरु भएको छ। महाधिवेशन असार ९ गतेसम्म सञ्चालन हुने कार्यक्रम रहेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
