सेतो खबर
ललितपुर । ललितपुरको जावलाखेलस्थित डीएभी कलेजमा अध्ययनरत एक छात्रले कलेज भवनको छतबाट हामफालेर ज्यान गुमाएका छन्।
मृत्यु हुनेमा काठमाडौं महानगरपालिका–७, चाबहिल निवासी तथा कक्षा १२ मा अध्ययनरत १८ वर्षीय आर्यन सिंह रहेका छन्।
जिल्ला प्रहरी परिसर ललितपुरका अनुसार सिंहले सोमबार दिउँसो करिब १२:३० बजे कलेजको छतबाट हामफालेका थिए। गम्भीर घाइते भएका उनलाई तत्काल उपचारका लागि सुमेरु सिटी अस्पताल लगिएको थियो।
उपचारकै क्रममा चिकित्सकले सोमबार साँझ उनलाई मृत घोषणा गरेका थिए।
प्रहरीका अनुसार सिंहले छतबाट हामफाल्नुअघि हिन्दी भाषामा कपीमा केही कुरा लेखेर छाडेका छन्। उक्त लेखाइको अध्ययन भइरहेको तथा घटनाबारे थप अनुसन्धान जारी रहेको प्रहरीले जनाएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
