सेतो खबर
काठमाडौं । नेकपा एमालेको संसदीय दलको नेता चयन गर्न निर्वाचन हुने भएको छ। पार्टी केन्द्रीय कार्यालयमा बसेको संसदीय दलको बैठकमा सहमति हुन नसकेपछि निर्वाचनमार्फत नेता चयन गर्ने निर्णय गरिएको हो।
संसदीय दलको नेतामा पार्टी उपाध्यक्ष रामबहादुर थापा ‘बादल’ र नेता सुहाङ नेम्वाङले दाबी प्रस्तुत गरेका छन्। दुबै नेताले उम्मेदवारी दर्ता प्रक्रिया अघि बढाएसँगै निर्वाचन निश्चित भएको हो।
निर्वाचन सञ्चालनका लागि तीन सदस्यीय निर्वाचन समिति गठन गरिएको छ। निरज आचार्यको संयोजकत्वमा गठित समितिले निर्वाचन प्रक्रिया अघि बढाउनेछ।
निर्वाचन संयोजक आचार्यका अनुसार रामबहादुर थापाले औपचारिक रूपमा उम्मेदवारी दर्ता गरिसकेका छन् भने सुहाङ नेम्वाङले पनि उम्मेदवारी दर्ताका लागि आवश्यक कागजात तयारी गरिसकेका छन्।
संसदीय दलको नेताका लागि हुने प्रतिस्पर्धालाई एमालेभित्र नेतृत्व चयनको महत्वपूर्ण प्रक्रियाका रूपमा हेरिएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
