सेतो खबर
काठमाडौँ । एनएमबि बैंकले आफ्ना ग्राहकहरूका लागि कर्जा आवेदनको अवस्था वास्तविक समयमा ट्र्याक गर्न सकिने नयाँ डिजिटल सुविधा सुरु गरेको छ। बैंकले व्यक्तिगत तथा साना तथा मझौला उद्यम (MSME) कर्जाका लागि आवेदन दिएका ग्राहकलाई लक्षित गर्दै यो सेवा सञ्चालनमा ल्याएको हो।
यस सुविधामार्फत कर्जाका लागि आवेदन दिएका ग्राहकले अब आफ्नो आवेदन कुन चरणमा पुगेको छ भन्ने जानकारी लिन बैंकको शाखा पुग्नुपर्ने वा फोनमार्फत सोधपुछ गर्नुपर्ने झन्झटबाट छुटकारा पाउनेछन्। बैंकमा आवश्यक कागजात पेश गरेपछि ग्राहकलाई एक ‘ट्र्याकिङ नम्बर’ उपलब्ध गराइनेछ।
उक्त ट्र्याकिङ नम्बर प्रयोग गरी ग्राहकले बैंकको वेबसाइटमा रहेको डिजिटल बैंकिङ खण्डबाट ‘अनलाइन कर्जा ट्र्याकिङ’ सेवा चयन गरी वा सिधै निर्दिष्ट लिंकमार्फत आफ्नो कर्जा प्रक्रिया सहजै हेर्न सक्ने व्यवस्था गरिएको छ।
बैंकले यस सेवाले कर्जा प्रक्रियामा पारदर्शिता वृद्धि हुनुका साथै ग्राहकलाई थप सुविधा र विश्वास प्रदान गर्ने जनाएको छ।
एनएमबि बैंकले हाल देशभर २०२ वटा शाखा, १८४ वटा एटिएम र ९ वटा एक्सटेन्सन काउन्टरमार्फत बैंकिङ सेवा प्रदान गर्दै आएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
