सेतो खबर
काठमाडौं, १ मंसिर । नेपाली कांग्रेसको केन्द्रीय समिति बैठकमा पूर्व राजा ज्ञानेन्द्र शाहको विषय उठेको छ। बैठकमा नेताहरूले वर्तमान राजनीतिक अवस्थाबारे टिप्पणी गर्दा, अहिले देशमा जनमत संग्रह भए पूर्व राजा ज्ञानेन्द्रले अत्याधिक बहुमत ल्याउन सक्छन् भन्ने कांग्रेसभित्रैको आँकलन बाहिर आएको छ।
नेता चन्द्रकान्त भण्डारीले फागुन २१ गते हुने प्रतिनिधिसभा उपनिर्वाचन र कांग्रेसको महाधिवेशनबारे भएको आन्तरिक किचलोका बीच पार्टीका नेताहरूलाई समयको माग बुझ्न आग्रह गरे।
भण्डारीले एक टेलिभिजन कार्यक्रममा बोल्दै भने, “नेताहरू असफल भएका कारण देश जलेको हो। जेन–जी आन्दोलनमा बच्चाहरू मारिए। अहिले जनमत संग्रह भयो भने पूर्व राजाको बहुमत आउँछ, तर उहाँ समय चिनेका कारण चुप बस्नुभएको हो।”
उनले कांग्रेसका नेताहरूमाथि अनावश्यक बोलचाल र आन्तरिक विवाद बढाइरहेको आरोप लगाउँदै भने, “यत्रो देश जल्यो, यत्रो बच्चा मारिए, अझै कति कराइरहनुहुन्छ ? एकछिन नकराई बसेर समय बुझ्नुस्।”
भण्डारीका अनुसार नेताहरूकै असफलताले देशमा असन्तोष बढेको र जनता विकल्प खोज्न बाध्य भएका छन्। बैठकमा समसामयिक राजनीति, जेन–जी आन्दोलन र पार्टीभित्रको कार्यशैलीबारे समेत छलफल भएको बताइएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
