सेतो खबर
काठमाडौं । शिक्षा, विज्ञान तथा प्रविधिमन्त्री महावीर पुनले शिक्षक, प्राध्यापक र कर्मचारीहरूले पेशागत आचरण विपरीत राजनीतिक गतिविधिमा संलग्न भएको भन्दै कडा चेतावनी दिनुभएको छ।
मन्त्री पुनले आइतबार जारी सूचनामार्फत यस्ता राजनीतिक गतिविधिले शैक्षिक गुणस्तर खस्किँदै गएको गुनासो आएको उल्लेख गर्दै, अबदेखि राजनीतिक संलग्नता देखिएमा प्रचलित कानुन अनुसार पदबाट बर्खास्त गर्न सकिने चेतावनी दिनुभएको हो।
सूचनामा भनिएको छ, “राजनीतिक गतिविधिमा संलग्न भएको पाइएमा पदबाट बर्खास्त गर्न सकिनेसम्मको कानूनी कारबाही हुने व्यवस्था रहेको विषय ध्यानाकर्षण गराउँदछौं।”
उहाँका अनुसार, कुनै पनि पेशागत ऐनले सेवामा कार्यरत शिक्षक वा कर्मचारीलाई पेशागत हकहितका विषयबाहेक अन्य राजनीतिक गतिविधिमा संलग्न हुन अधिकार दिएको छैन।
मन्त्री पुनले दलका भ्रातृ तथा शुभेच्छुक संगठनका रूपमा गठन भएका शिक्षक, प्राध्यापक र कर्मचारीका संघ–संगठनहरूलाई शिक्षा मन्त्रालयले अब मान्यता नदिने निर्णय गरेको पनि जानकारी दिनुभएको छ।
त्यस्तै, शिक्षक–कर्मचारीको संवैधानिक हकको सम्मान गर्दै शिक्षक महासंघलगायतका सबै संघ–संगठनहरूलाई गैर–राजनीतिक, स्वतन्त्र र पेशागत चरित्रमा पुनर्गठन गर्न कानूनी प्रबन्धसहित अघि बढाइने सूचनामा उल्लेख गरिएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
