सेतो खबर
हैदराबाद । दक्षिण भारतीय फिल्म क्षेत्रका बहुप्रशंसित अभिनेता कोटा श्रीनिवास रावको ८३ वर्षको उमेरमा निधन भएको छ। आइतबार बिहान हैदराबादस्थित निवासमै उनले अन्तिम सास लिएका हुन्।
पछिल्लो केही दिनदेखि बिरामी रहेका र उमेरजन्य स्वास्थ्य समस्याबाट पीडित रावको निधनले भारतीय फिल्म उद्योगमा शोकको छायाँ छाएको छ। उनको निधनको खबर आएसँगै कलाकार, निर्देशक, निर्माता तथा शुभेच्छुकहरूले श्रद्धाञ्जली अर्पण गर्न थालेका छन्।
कोटा श्रीनिवास रावले आफ्नो पाँच दशक लामो सिने करिअरमा सयौं तेलुगु, तमिल, कन्नड, मलयालम र हिन्दी फिल्महरूमा अभिनय गरेका थिए। उनले विशेषगरी नकारात्मक र गम्भीर भूमिकामा आफ्नो छुट्टै छाप छाडेका थिए। उनका संवाद अदायगी, अभिनय शैली र चरित्रमा डुब्ने क्षमताको सधैं प्रशंसा हुने गर्थ्यो।
उनको योगदानका लागि विभिन्न राष्ट्रिय तथा क्षेत्रीय अवार्डबाट सम्मानित समेत गरिएको थियो।
फिल्म उद्योगसँगै राजनीति क्षेत्रमा समेत सक्रिय रहेका रावको निधनले भारतीय कला, संस्कृति र चलचित्र क्षेत्रले एउटा अमूल्य रत्न गुमाएको छ।
कोटाको अन्त्येष्टि हैदराबादमै पारिवारिक परम्पराअनुसार गरिने जनाइएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
