दोहोरो अंङ्कले बढ्यो नेप्से

काठमाडौँ । साताको दोस्रो दिन शेयर बजार दोहोरो अंङ्कले बढेको छ । शेयर बजार परिसूचक नेप्से आज सोमबार २६ दशमलव १० अङ्कले बढेर २ हजार ६४० दशमलव ७८ विन्दुमा पुगेको छ ।

नेप्से बढे पनि कारोबार रकम भने घटेको यसदिन ३२६ वटा कम्पनीका ९७ लाख ३९ हजार कित्ता शेयर ४ अर्ब ४८ करोड रुपैयाँमा किनबेच भएको छ । सबैभन्दा धेरै हिमालयन रिइन्सुरेन्सको ३२ करोड ६९ लाखको शेयर किनबेच भयो ।

आज सबै समूहको शेयर बढेकोमा फाइनान्स समूहको शेयर ३ दशमलव ७५ प्रतिशतले उकालो लागेको छ । यस्तै जीवन बीमा, अन्य, लगानी समूहको शेयर साढे १ प्रतिशतभन्दा धेरैले बढेको छ ।

आज गार्डियन माइक्रो लाइफ इन्सुरेन्स कम्पनीको शेयर ९ प्रतिशतभन्दा धेरैले उकालो लागेको छ । समग्रमा बजार बढेको दिन अपर हेवाखोला हाइड्रोपावर कम्पनीको शेयर भने झन्डै ५ प्रतिशतले घटेको छ ।