सेतो खबर
काठमाडौं । उज्यालो नेपाल पार्टीका अध्यक्ष तथा पूर्वऊर्जामन्त्री कुलमान घिसिङले प्रधानमन्त्री बालेन्द्र शाहसँग भेटवार्ता गरेका छन्।
बिहीबार सिंहदरबारमा भएको भेटमा भोटेकोशी बाढीबाट जलविद्युत् आयोजनामा भएको क्षति र सुरुङमा फसेका नागरिकको उद्धारबारे छलफल भएको घिसिङले बताए।
घिसिङले सुरुङभित्रको लेदो र गेग्रान हटाउन आवश्यक उपकरण घटनास्थलसम्म पुर्याउन सडक र पुलको समस्या रहेको जानकारी प्रधानमन्त्रीलाई गराएका थिए। उनले सडक सञ्जाल जोडेर उद्धारका उपकरण परिचालन गर्नुपर्ने सुझाव दिएका छन्।
बाढीका कारण करिब २३५ मेगावाट विद्युत् उत्पादन बन्द भएको जानकारी दिँदै घिसिङले निजी क्षेत्रका जलविद्युत् आयोजनालाई राहत प्याकेज, बिमा भुक्तानीमा सहजीकरण तथा ब्याजमा सहुलियत दिन माग गरेका छन्।
भविष्यमा ठूला बाढीबाट आयोजना जोगाउन जलविद्युत् आयोजनाको डिजाइन पुनरावलोकन गर्नुपर्ने र रणनीतिक सडक तथा पुललाई उच्च प्राथमिकतामा राखेर मर्मत गर्नुपर्ने सुझावसमेत उनले दिएका छन्।
भेटमा प्रधानमन्त्री शाहसँग राजनीतिक विषयमा छलफल भएको घिसिङले बताएका छन्। भेटपछि सञ्चारकर्मीसँग कुरा गर्दै उनले वर्तमान सरकारलाई सफल बनाउन आफूले सहयोग र समर्थन गर्ने प्रतिबद्धता जनाएको बताए।
भेटमा पछिल्लो राजनीतिक अवस्था, सरकारको कामकारबाही तथा समसामयिक विषयमा छलफल भएको बताइएको छ। घिसिङले आफूले सरकार सफल बनाउन आवश्यक सहयोग गर्ने धारणा प्रधानमन्त्रीसमक्ष राखेको जानकारी दिए।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
