सेतो खबर
घोराही । दाङको घोराही उपमहानगरपालिका–१५ स्थित पद्यमोदय पब्लिक नमुना माध्यमिक विद्यालयको विद्यालय व्यवस्थापन समितिको निर्वाचन बिथोल्ने उद्देश्यले शिक्षा अधिकृतको शरीरमा मोबिल छर्किएको आरोपमा वडा सदस्य पक्राउ परेका छन्।
पक्राउ पर्नेमा घोराही उपमहानगरपालिका–१५ का वडा सदस्य ४२ वर्षीय उत्तम बुढाथोकी रहेका छन्। प्रहरीले उनलाई लुकिछिपी बसेको अवस्थामा आइतबार पक्राउ गरेको जनाएको छ।
प्रहरीका अनुसार असार २७ गते बिहान निर्वाचनका मतदान अधिकृतसमेत रहेका घोराही उपमहानगरपालिकाको शिक्षा महाशाखाका शिक्षा अधिकृत ४८ वर्षीय अजय बोहोराले चलाएको रा.१ ब १०४२ नम्बरको मोटरसाइकल रोकेर बुढाथोकीले उनको शरीरमा मोबिल छर्किएका थिए।
घटनापछि बुढाथोकी फरार रहेका थिए। पीडित पक्षको जाहेरीका आधारमा अपमानजनक तथा अमानवीय व्यवहारसम्बन्धी कसुरमा असार २८ गते मुद्दा दर्ता गरिएको थियो।
दाङ जिल्ला अदालतबाट पक्राउ पुर्जी जारी भएपछि प्रहरीले खोजी तीव्र बनाएको थियो। त्यसपछि असार २९ गते घोराही उपमहानगरपालिका–१५ बाट उनलाई पक्राउ गरिएको जिल्ला प्रहरी कार्यालय दाङले जनाएको छ।
प्रहरीले घटनाबारे थप अनुसन्धान भइरहेको जनाएको छ। विद्यालय व्यवस्थापन समितिको निर्वाचनका क्रममा जनप्रतिनिधिबाट यस्तो व्यवहार भएको घटनाले स्थानीय स्तरमा व्यापक चासो र चर्चा उत्पन्न गरेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
