सेतो खबर
काठमाडौं । सरकारले आइतबारको सार्वजनिक बिदा खारेज गर्न लागेको भन्ने समाचारमा कुनै सत्यता नभएको स्पष्ट पारेको छ।
हालै केही सञ्चारमाध्यममा शनिबार र आइतबार दिइँदै आएको सार्वजनिक बिदामध्ये आइतबारको बिदा हटाउने तयारी भइरहेको समाचार प्रकाशित भएपछि सरकारले त्यसको खण्डन गरेको हो।
सरकारी स्रोतका अनुसार आइतबारको बिदा खारेज गर्ने विषयमा हालसम्म कुनै निर्णय भएको छैन। साथै, यस सम्बन्धमा कुनै औपचारिक तयारीसमेत नभएको जनाइएको छ।
यसअघि इन्धनको मूल्यवृद्धि तथा ऊर्जा बचतलाई मध्यनजर गर्दै सरकारले शनिबार र आइतबार सार्वजनिक बिदा दिने व्यवस्था लागू गरेको थियो। साथै, सरकारी कार्यालयको समय बिहान ९ बजेदेखि साँझ ५ बजेसम्म कायम गरिएको थियो।
सरकारले आइतबारको बिदा यथावत् रहेको र सामाजिक सञ्जाल तथा केही माध्यममा फैलिएका भ्रमपूर्ण समाचारप्रति सचेत रहन नागरिकलाई आग्रह गरेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
