सेतो खबर
काठमाडौं । नेकपा (एमाले) का पोलिटब्युरो सदस्य तथा पूर्वमन्त्री महेश बस्नेतले जेनजी आन्दोलनका क्रममा गोली चलाउने आदेश तत्कालीन प्रधानमन्त्री केपी शर्मा ओलीले दिएका थिए भन्ने दाबीलाई अस्वीकार गर्दै प्रमाणसहित सार्वजनिक गर्न चुनौती दिएका छन्।
भक्तपुरको गुण्डुस्थित तिथली चोकमा एमाले भक्तपुर जिल्ला कमिटीले आयोजना गरेको विशेष राजनीतिक भेटघाट कार्यक्रममा बोल्दै बस्नेतले यस्तो प्रतिक्रिया दिएका हुन्। उनका अनुसार ओलीमाथि राजनीतिक प्रतिसोधको भावना राखेर गलत आरोप लगाउने काम भइरहेको छ।
बस्नेतले भने, “कुनै कानूनले प्रधानमन्त्रीलाई गोली चलाउन आदेश दिन्छ ? दिँदैन। आदेश कसले दिएको हो भनेर प्रमाण ल्याउनुस्। हाम्रो अध्यक्षले आदेश दिएको भए हामी छलफल गर्न तयार छौँ।”
उनले पार्टी अध्यक्ष ओलीप्रति लक्षित गर्दै गरिएको आरोप राजनीतिक उद्देश्यले प्रेरित भएको दाबी गरे। उनले चेतावनी दिँदै भने, “केपी ओलीलाई छोए देशभर आगो बल्नेछ। एमाले र देशभरका राष्ट्रभक्त जनताले त्यसको जवाफ दिनेछन्।”
बस्नेतले जेनजी आन्दोलनमा बाह्य शक्तिको घुसपैठ भएको पनि दाबी गरे। उनका अनुसार आन्दोलनका नाममा देशमा अशान्ति र विभाजन फैलाउने प्रयास गरिएको थियो। उनले भने, “शान्तिपूर्ण आन्दोलनको आडमा केही समूहहरूले विध्वंस मच्चाउने प्रयास गरे, त्यो स्वीकार्य छैन।”
त्यस क्रममा उनले युवा संघ नेपालले असोज २५ गते (आइतबार) दिउँसो ३ बजे काठमाडौंको तीनकुनेबाट मोटरसाइकल र्याली गर्ने जानकारी दिए। बस्नेतका अनुसार र्यालीमा हजारौं युवाको सहभागिता रहनेछ र एमालेको “राष्ट्र, राष्ट्रियता र विकास” अभियानलाई सशक्त बनाउने उद्देश्य रहेको छ।
भेटघाट कार्यक्रममा एमाले अध्यक्ष केपी शर्मा ओली प्रमुख वक्ताको रूपमा उपस्थित थिए। त्यससँगै शंकर पोखरेल, भानुभक्त ढकाल, राजन भट्टराई, लालबाबु पण्डित लगायतका वरिष्ठ नेताहरूले पनि वक्तव्य दिएका थिए।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
