सुदूरपश्चिम मुख्यमन्त्री कार्यालयमा जेनजी प्रदर्शनकारीको प्रवेश

धनगढी, भदौ २४ । जेनजी आन्दोलन उग्र बन्दै गएसँगै सुदूरपश्चिम प्रदेशको मुख्यमन्त्री कार्यालयमा प्रदर्शनकारीहरूले प्रवेश गरेका छन्।

आज दिउँसोदेखि जेनजी युवाहरूको ठूलो समूह मुख्यमन्त्री कार्यालय परिसरमा प्रवेश गरी सरकारविरुद्ध नाराबाजी गरिरहेको छ। कार्यालय वरपरको सुरक्षा व्यवस्था कडा पारिए पनि भीड नियन्त्रणमा आउन नसक्दा प्रदर्शनकारीहरू भवनभित्रै छिरेका हुन्।

हिजो मात्रै देशभर भएको जेनजी आन्दोलनमा १९ जनाले ज्यान गुमाएका थिए भने सयौं घाइते भएका थिए। घटनापछि आन्दोलनकारीको आक्रोश झन् बढ्दै गएकाले आज प्रदेश राजधानी धनगढीमा स्थिति तनावपूर्ण बनेको छ।