सेतो खबर
पोखरा, साउन ५ । पोखराको चरक अस्पतालमा उपचाररत ७० वर्षीय एक वृद्ध महिलाको कोरोना संक्रमणका कारण मृत्यु भएको छ। स्वासप्रश्वासमा समस्या देखिएपछि अस्पताल भर्ना गरिएकी ती महिलामा असार २५ गते कोरोना पुष्टि भएको थियो।
गण्डकी प्रदेश स्वास्थ्य निर्देशनालयका महानिर्देशक डा. खिमबहादुर खड्काका अनुसार, स्वास्थ्य अवस्था जटिल बन्दै गएपछि साउन ४ गते ती महिलाको निधन भएको हो। निर्देशनालयले दिएको जानकारीअनुसार ती महिलालाई उच्च रक्तचाप र मधुमेहको समस्या समेत रहेको थियो, जसले संक्रमणलाई थप जटिल बनाएको थियो।
गण्डकीमा संक्रमण फेरि बढ्दै
गण्डकी प्रदेशमा पछिल्लो समय फेरि कोरोना संक्रमणका घटना बढ्न थालेका छन्।
योसँगै प्रदेशभर हाल ८ जनामा कोरोना संक्रमण पुष्टि भएको स्वास्थ्य निर्देशनालयले जनाएको छ।
स्वास्थ्य विशेषज्ञहरूले संक्रमणबाट बच्न सावधानी अपनाउन आग्रह गरेका छन्। सार्वजनिक स्थानमा मास्क प्रयोग, नियमित हात धुने, भिडभाडमा नजाने र लक्षण देखिएमा तुरुन्त परीक्षण गराउने सल्लाह दिइएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
