सेतो खबर
काठमाडौं । राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख ई.दिनेश प्रसाद भट्टले तातो हावाको लहर ‘लु’ बाट बच्ने उपायका सन्देश पाँच वटा भाषामा तयार गरिने बताएका छन् ।
बुधवार सिंहदरबारमा आयोजित विपद् संवाद कार्यक्रममा बोल्दै उनले ‘लु’ बाट बच्ने सन्देश मूलक सामाग्रीहरुलाई छिटै पाँच वटा भाषामा अनुवाद गरिने बताएका हुन् ।
उनले भने, ‘अहिले पानी परिरहे पनि केही दिन पछि तातो हावाको लहर ‘लु’ को कुरा आउछ, त्यो आउदै गर्दा हाम्रा केही सामाग्री संन्देशहरु छन् । हामी त्यसलाई पाँच वटा भाषामा अनुवाद गर्दैछौ । हामी छिटै सन्देश मूलक सामाग्रीहरुको लाइब्रेरी बनाउने र त्यसमा सबै सामाग्री हुनेछन् ।’
उनले अन्य विपद्बाट बच्ने सन्देश मूलक सामाग्री बनाइने जानकारी दिदै यस क्षेत्रमा स्थानीय तहले सहयोग गर्नुपर्ने पनि बताए ।
यस्तै, कार्यक्रममा सह सचिव ई. अजूर्न कुमार बमले हरेक संस्थाले आफ्नो कार्यक्षेत्र छुट्टाएर काम गर्नुपर्ने बताए । उनले ‘लु’ लाग्ने समयमा संस्थाहरुले आफ्नो कार्यक्षेत्र तोकेर राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई सूचना दिदा स्थानीय तहसँग सहकार्य गर्न सहज हुने पनि बताए ।
काठमाडौं । काठमाडौं उपत्यकालगायत देशका विभिन्न शहरहरु पछिल्लो समय वायु प्रदूषणको जोखिममा परेका छन् । जसका कारण मानव स्वास्थ्यमा गम्भीर समस्याहरु देखिरहेका छन् । साथै... विस्तृतमा
