सेतो खबर
इटहरी । कोशी प्रदेश सभाका प्रवक्ता समेत रहेका गौतमराज अमात्यले कोशी प्रदेशसभाको कायममुकायम (कामु) सचिवको जिम्मेवारी पाएका छन् । प्रदेशसभा सचिव गोपालप्रसाद पराजुली भ्रष्टाचार मुद्दामा दोषी ठहर भएपछि सभामुख अम्बरबहादुर विष्टले उपसचिव अमात्यलाई कामु सचिवको जिम्मेवारी दिएका हुन् ।
बिहीबारको प्रदेशसभा बैठकमा अमात्यले सचिवको जिम्मेवारी निभाएका छन । पशुपतिको जग्गामा बालुवाखानी सञ्चालन गर्दा अनियमितता गरेको मुद्दामा पराजुली दोषी ठहर भएपछि उनको पद गुमेको छ ।
निजामति सेवाबाट अवकास लिएपछि उनी २०७६ साल वैशाख १२ गते प्रदेशसभाको सचिव नियुक्त भएका थिए । यसैगरी दोस्रो कार्यकालका लागि २०८१ वैशाख ९ गतेदेखि लागू हुने गरी प्रदेशसभाको सचिवमा पराजुली नियुक्त भएका थिए ।
यसैबीच कोशी प्रदेशसभाको बिहीवारको बैठकमा कोशी प्रदेश खानेपानी तथा सरसफाइ सम्बन्धमा व्यवस्था गर्न बनेको विद्येकको सैद्धान्तिक छलफलका क्रममा उठेका प्रश्नको जवाफ खानेपानी सिंचाइ तथा उर्जामन्त्री एकराज कार्की र प्रदेश भवन ऐन २०७६ लाई सम्सोधन गर्न बनेको विद्येकमाथिको सैद्धान्तिक छलफलका क्रममा उठेका प्रश्नको जवाफ मन्त्री भौतिक पूर्वाधार विकास मन्त्री भूपेन्द्र राईले दिएका छन् ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
