प्रचण्डको बुहारी बिना मगर सुरुवाती देखिनै दोब्बर मतले अग्रता कायमै

काठमाडौं, मङ्सिर २४ । प्रतिनिधिसभा सदस्यका लागि कञ्चनपुर क्षेत्र नम्बर १ मा माओवादी केन्द्रकी बिना मगरले सुरुवाती अग्रता कायमै गरेका छन् । कञ्चनपुर १ को पछिल्लो मत परिणाअनुसार एमाले र माओवादी केन्द्रकी साझा उमेदवार बिनाले २२ हजार ३९७ मत प्राप्त गरेकी छन् । उनका निकटतम् प्रतिद्धन्दी कांग्रेस दिवानसिहं विष्टले ११ हजार ५१५ मत प्राप्त गरेका छन् ।

कञ्चनपुर १ मा प्रदेशसभा (क) मा भने एमालेकी तारा तामाङले २० हजार १५ मतसहित विजयी भइसकेकी छन् । ताराकी प्रतिस्पर्धी कांग्रेसका गोपालसिंह गुरुङले ९ हजार २९० मत प्राप्त गरे ।

क्षेत्र नं. १ (ख) मा पनि एमालेकै कुलविर चौधरी ७ हजार ३२९ मत ल्याई विजयी भए । उनका प्रतिस्पर्धी कांग्रेसका रामलाल रानाले ५ हजार ४४५ मत प्राप्त गरे ।