सेतो खबर
काठमाडौं । कलाकार दीपकराज गिरीले आफूविरुद्ध सामाजिक सञ्जालमा चलाइएको बहिष्कार अभियानप्रति आपत्ति जनाएका छन्। आफ्नो अभिव्यक्तिलाई तोडमोड गरी गलत अर्थ लगाइएको र त्यसका आधारमा आफूविरुद्ध घृणा फैलाइएको उनको आरोप छ।
बुधबार फेसबुकमार्फत आफ्नो धारणा सार्वजनिक गर्दै गिरीले आफू सधैँ भौतिक आक्रमणको विरोधमा रहेको र असहमतिलाई बौद्धिक बहसका माध्यमबाट व्यक्त गर्नुपर्ने पक्षमा रहेको स्पष्ट पारेका छन्।
‘कसैलाई लखेट्नु, पिट्नु, भगाउनु राम्रो होइन। यदि असहमति छ भने बौद्धिकताले लखेट्नुपर्छ भनेको यही नै थियो,’ उनले लेखेका छन्।
आफ्नो भनाइका केही अंश काटेर तथा थप व्याख्या जोडेर सामाजिक सञ्जालमा बहिष्कारको अभियान चलाइएको भन्दै उनले असन्तुष्टि व्यक्त गरेका छन्। केही अतिवादी कार्यकर्ताले आफ्नो अभिव्यक्तिलाई गलत व्याख्या गर्दै फोटोसहित बहिष्कारको नारा लगाएको उनको भनाइ छ।
गिरीले पछिल्लो समय समाजका विभिन्न विषयमा जातीयताको प्रसङ्ग जोडेर सामाजिक सहिष्णुता खल्बल्याउने प्रयास भइरहेको भन्दै चिन्ता व्यक्त गरेका छन्। कला तथा संस्कृति क्षेत्रमा समेत जातपातका आधारमा विभाजन सिर्जना गर्ने र घृणा फैलाउने प्रवृत्तिको आफू विरोधमा रहेको उनले बताएका छन्।
उनले आगामी दिनमा पनि जातीय विभेद र घृणा फैलाउने प्रवृत्तिविरुद्ध आफ्नो अडान कायम रहने स्पष्ट पारेका छन्।
यसैबीच, चलचित्र ‘छ माया छपक्कै २’ को बक्स अफिस प्रदर्शन र दीपकराज गिरीका पुराना अभिव्यक्तिका सम्पादित भिडियो क्लिपहरूलाई लिएर सामाजिक सञ्जालमा बहस भइरहेको छ। चलचित्र प्रदर्शनको नौ दिनको बक्स अफिस रिपोर्ट सार्वजनिक भएपछि यस विषयले थप चर्चा पाएको हो।
गिरीको अभिव्यक्ति र त्यसको व्याख्यालाई लिएर सामाजिक सञ्जालमा विभिन्न प्रतिक्रिया आइरहेका छन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
