सेतो खबर
काठमाडौं । बडादशैँ २०८३ को पावन अवसरमा सशस्त्र प्रहरी बल, नेपालका संगठन प्रमुख सशस्त्र प्रहरी महानिरीक्षक नारायणदत्त पौडेलले कात्तिक ६ गते शुक्रबारका दिन सशस्त्र प्रहरी कर्मचारीहरू, अवकाशप्राप्त सशस्त्र प्रहरी कर्मचारीहरू एवं परिवारजनलाई विजयादशमीको टिका जमरा लगाई प्रसाद प्रदान गरेका छन् ।
स्वयम्भूस्थित ‘शरद भवन’ मा आयोजित कार्यक्रममा संगठन प्रमुख सशस्त्र प्रहरी महानिरीक्षकबाट बडादशैँको टीका एवं प्रसाद प्रदान गरिएको हो।
राज्यले सुम्पेको जिम्मेवारी सफलतापूर्वक सम्पन्न गर्न हामी सबै व्यावसायिक, अनुशासित, कर्तव्यनिष्ठ, इमान्दार एवं जवाफदेही हुन माता दुर्गा भवानीले आशीर्वाद प्रदान गरुन् भन्ने कामना गर्दै महानिरीक्षक पौडेलले उपस्थित राष्ट्रसेवक कर्मचारीहरूलाई शुभकामना प्रदान गरे ।
उक्त कार्यक्रममा सशस्त्र प्रहरी बल, नेपालका बहालवाला तथा अवकाशप्राप्त सशस्त्र प्रहरी कर्मचारीहरू र उनीहरूका परिवारजनको उपस्थिति रहेको थियो।
कार्यक्रम बहालवाला तथा अवकाशप्राप्त सशस्त्र प्रहरी कर्मचारीहरू एवं परिवारजबीच एक आपसमा शुभकामना साटासाट गरी साङ्गठनिक भ्रातृत्व, सम्मान र एकताका साथ सम्पन्न भएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
