सेतो खबर
सद्गुरुको भावुक भिडियो : हाम्रो समूहका ८० जना सम्पर्कमा छैनन्, प्रभावित ठाउँमा जान अनुमति दिनुहोस
काठमाडौं । केही समयअघि नेपाल आएर कैलाश यात्रामा निस्किएका सद्गुरुको समूहका ८० जना सदस्य सम्पर्कमा नरहेको उनले भिडियो सन्देशमार्फत जानकारी दिएका छन् ।
भिडियो सन्देश र एक विज्ञप्ति जारी गर्दै बाढीका कारण ८० जना सम्पर्कमा नआउँदा अत्यन्त पीडामा रहेको जानकारी दिंदै आफ्ना समूहमा रहेका ८० जनाको जानकारी नभएको उल्लेख गरे । समूहमा विभिन्न देशका ३४ पुरुष र ४६ महिला रहेको पनि उल्लेख गरे ।
‘केही स्वयंसेवकसहित हामी तथा पीडितका परिवारजन विनम्रतापूर्वक प्रभावित ठाउँमा जान अनुमति प्रदान गरिदिनुहुन अनुरोध गर्दछौँ,’ उनले भनेका छन् ।
आफूहरु उद्धार र सहयोगका लागि प्रभावित स्थलमा जान चाहेको उल्लेख गरेका छन् । ‘हामी उद्धार कार्यको प्रकृति र संवेदनशीलतालाई गहिरो रूपमा सम्मान तथा बुझ्दछौँ। हाम्रो उपस्थितिले उद्धार कार्यमा कुनै पनि प्रकारको अवरोध पु¥याउने छैन,’ उनले भनेका छन् ।
उनले हाल साँगामा रहेको र प्रभावित क्षेत्रमा जानका लागि अनुमतिको प्रतिक्षामा रहेको बताए । सद्गुरुका अनुसार समूहका सदस्यहरू तिब्बतको सागामा भेटिएका थिए ।
गुरुका अनुसार सीमाक्षेत्रमा सबैजसो दूरसञ्चार सेवा अवरुद्ध भएको, सडकहरू अवरुद्ध भएको र घटनास्थलसम्म पुग्ने अवस्था नरहेको पनि उल्लेख गरेका छन् ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
