सेतो खबर
काठमाडौं । मेलम्ची खानेपानी आयोजनाको मुहानमा बाढी पसेर पानी अत्यधिक धमिलो भएपछि काठमाडौं उपत्यकामा मेलम्चीबाट हुने खानेपानी आपूर्ति आजदेखि अस्थायी रूपमा बन्द गरिएको छ।
काठमाडौं उपत्यका खानेपानी लिमिटेड (केयुकेएल)का अनुसार मुहानको पानीको गुणस्तर प्रभावित भएपछि प्रशोधन प्रक्रिया जटिल बनेको छ। त्यसैले मेलम्चीबाट सुन्दरीजलस्थित प्रशोधन केन्द्रमा आउने पानीको प्रवाह तत्कालका लागि रोकिएको हो।
केयुकेएलका प्रवक्ता वीरबहादुर चन्दले पानीको गुणस्तरमा सुधार आएपछि पुनः प्रशोधन प्रक्रिया सञ्चालन गरी पूर्वनिर्धारित वितरण तालिकाअनुसार उपत्यकामा खानेपानी आपूर्ति सुरु गरिने बताए।
उनका अनुसार निरन्तर वर्षा भइरहेमा मुहानको पानी सफा हुन ढिलाइ हुन सक्ने भएकाले नियमित खानेपानी आपूर्ति पुनः सञ्चालन हुन केही समय लाग्न सक्छ।
केयुकेएलले उपभोक्तालाई आवश्यक पानीको वैकल्पिक व्यवस्थापन गर्न आग्रह गर्दै मौसममा सुधार र पानीको गुणस्तर सामान्य भएपछि सेवा पुनः सञ्चालन गरिने जनाएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
