सेतो खबर
काठमाडौं । माइतीघरमा आइतबार प्रदर्शन गर्ने घोषणा गरेका अभियन्ता निकोलस भुसाल बेपत्ता भएका छन् ।
भुसालले सामाजिक सञ्जालमार्फत आज दिउँसो २ बजेदेखि माइतीघर मण्डलामा प्रदर्शन गर्ने घोषणा गरेका थिए । तर, तय समयमा उनी नदेखिएपछि उनको अवस्था अज्ञात बनेको हो ।
प्रहरीका अनुसार बिहानैदेखि विभिन्न टोलीले उनको खोजी गरिरहेको छ । स्रोतका अनुसार नशाको तालमा उनले कार्यक्रमको घोषणा गरेका थिए र त्यसले मुठभेड हुनसक्ने आशंका भएकाले उनलाई नियन्त्रणमा लिने तयारी गरिएको थियो ।
तर, हाल उनी कसैको सम्पर्कमा छैनन् । परिवारले समेत सम्पर्क हुन नसकेको बताएको छ । भुसालको डेरामा पुगेका प्रहरीले ढोका बाहिरबाट साँचो लगाइएको र मोबाइलको स्वीच अफ रहेको जनाएको छ ।
स्रोतका अनुसार भुसालको प्रदर्शन योजनाको जानकारी पाएपछि एमालेसम्बद्ध युवा संघ र काठमाडौंका मेयर बालेन शाहका समर्थकहरूले प्रतिकारको तयारी गरेका थिए ।
यसअघि काठमाडौं जिल्ला प्रशासन कार्यालयले माइतीघर मण्डला लगायतका स्थानमा कुनै पनि सभा, जुलुस वा प्रदर्शन नगर्न सूचना जारी गरेको थियो ।
अनुमति बिना प्रदर्शन गरे नियन्त्रणमा लिने चेतावनी प्रहरी प्रवक्ता एसपी पवन भट्टराईले दिएका छन् ।
गत असोज २३ गते पनि माइतीघर मण्डलामा प्रदर्शनका क्रममा निकोलस भुसाल पक्राउ परेका थिए ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
