सेतो खबर
हेटौंडा, साउन १८ । बागमती प्रदेशका मुख्यमन्त्री बहादुर सिंह लामाले पदबाट राजीनामा दिएका छन्। आइतबार साँझ उनले प्रदेश प्रमुख यादव चन्द्र शर्माको कार्यालयमा उपस्थित भई औपचारिक रूपमा राजीनामा पत्र बुझाएका हुन्। लामो समयदेखि पार्टीभित्र बढ्दो असन्तुष्टि र नेतृत्व परिवर्तनको मागसँगै लामाले अन्ततः पद त्याग गरेका हुन्।
नेपाली कांग्रेसका नेता लामाले साउन १४ गते भएको संसदीय दलको नेताको निर्वाचनमा पराजय भोगेका थिए। त्यसयता उनीमाथि पार्टीभित्रैबाट तीव्र दबाब सिर्जना भएको थियो। मुख्यमन्त्रीको जिम्मेवारी सम्हालेको झण्डै एक वर्षपछि उनले पदबाट राजीनामा दिनुपरेको छ। लामाले २०८१ साउन २ गते बागमती प्रदेशको मुख्यमन्त्रीको रूपमा शपथ लिएका थिए।
राजीनामा पछि संक्षिप्त प्रतिक्रिया दिँदै लामाले भने, “पार्टीभित्रको अनावश्यक हस्तक्षेप, गुटगत स्वार्थ र आन्तरिक द्वन्द्वका कारण काम गर्न गाह्रो भयो। म जनताको अपेक्षा अनुसार अघि बढ्न चाहन्थेँ, तर परिस्थिति त्यसअनुकूल रहेन।”
मुख्यमन्त्री लामाको राजीनापछि बागमती प्रदेशमा अब नयाँ सत्ता समीकरणको तयारी सुरु भएको छ।
कांग्रेसभित्र नेतृत्व परिवर्तनसँगै नेकपा (एमाले), माओवादी केन्द्र, र अन्य दलहरूको भूमिकाबारे गम्भीर छलफल भइरहेको स्रोतको दाबी छ। हाल प्रदेशसभामा सबैभन्दा ठूलो दल नेपाली कांग्रेस भए पनि स्पष्ट बहुमत छैन। त्यसैले नयाँ सरकार निर्माणका लागि गठबन्धन आवश्यक हुने देखिन्छ।
मुख्यमन्त्रीका रूपमा बहादुर सिंह लामाको कार्यकाल मिश्रित प्रतिक्रिया रहेको छ। उनले बागमती प्रदेशमा पूर्वाधार, सुशासन र प्रदेश सरकारको कार्यसम्पादनमा केही सकारात्मक पहलहरू गरे पनि पार्टीभित्रको अव्यवस्थित गुटबन्दी र स्थायित्वको अभावले कार्यसम्पादन प्रभावित भएको विश्लेषण गरिएको छ।
प्रदेश प्रमुखको कार्यालयले मुख्यमन्त्री लामाको राजीनामा स्वीकृत गर्दै संविधानबमोजिमको नयाँ सरकार गठन प्रक्रिया अगाडि बढाउने तयारी थालेको छ।
अब संविधानको धारा १६८ अनुसार नयाँ मुख्यमन्त्रीको चयन प्रक्रिया सुरु हुनेछ। पहिलो चरणमा कुनै दलले बहुमतको दाबी गर्न नसकेमा गठबन्धनको सरकार गठनको सम्भावना बलियो छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
